2021 February 03 Archive - People's Balita

November 5, 2024
Search in People's Balita
Ang Diyaryong Pinagkakatiwalaan

Archive for February 3rd, 2021

PDU30, nanghinayang sa P2bilyon na nawawala sa Pinas

Posted on: February 3rd, 2021 by @peoplesbalita No Comments

NAGPAHAYAG ng panghihinayang si Pangulong Rodrigo Roa Duterte dahil P2 billion ang nawawala sa Pilipinas kada araw dahil sa ipinatutupad na restrictions para mapigilan ang pagkalat ng COVID-19.

“According to the Secretary of Finance, araw araw ngayon hanggang matapos ‘tong COVID, araw araw we are losing P2 billion na pera para sana ‘yun sa mga tao,” ayon kay Pangulong Duterte sa kanyang public address noong Lunes ng gabi.

“The workers, the Filipino workers would have earned that money kung ang ekonomiya natin gumagalaw,” dagdag na pahayag nito.

Nauna rito, sinabi ng National Economic and Development Authority (NEDA) na umabot na sa P1.4 trillion sahod ang nawala sa mga Pinoy dahil sa 2020 lockdown bunsod ng COVID-19.

Sa isang virtual briefing, Acting Socio Economic Planning Secretary Karl Kendrick Chua natapyas ang halagang P801 billion sa paggastos noong 2020, o halos P2.2 billion kada-araw.

Pagdating naman sa impact nito sa trabaho at multiplier effect, umabot sa P1.4 trillion o P2.8 billion kada araw ang nawala.

Sumatutal, umabot sa P23,000 kada empleyado ang nawala sa kanila.

Nagpatupad ng Enhanced Community Quarantine ang Pilipinas noong Marso kung saan tumagal pa rin ang ibang lockdown hanggang sa ngayon.

“This translates to significant income loss, significant employment loss, and for the most affected sectors, hunger and possibly higher poverty,” ani Chua sa presentasyon ng datos sa ika-apat na kwarter at full-year 2020 economic data.

“Going forward, we cannot afford any more prolonged quarantines or risk aversion. We have to strike that better balance and we will continue to use data both from the economic and the health side to inform our decision and our recommendation to the President,” dagdag pa ni Chua.

“The year 2020 will be remembered as the most difficult year of our lives. The road ahead is challenging, but there is light at the end of the tunnel.” (Daris Jose)

Lim, Petecio nagkodakan sa ‘Calambubble’ training

Posted on: February 3rd, 2021 by @peoplesbalita No Comments

HALOS mangalabaw ang mga kampeon sa kani-kanilang combat sports na sina Jamie Christine Lim at Nesthy Petecio sa pagti-training sa Inspire Sports Academy bubble (Calambubble) sa Calamba City, Laguna sapul pa nitong Enero 15.

Nagkita rin ang landas ng parehong 30th Southeast Asian Games Philippines 2019 gold medalists at mga naghahabol na makalahok sa 32nd Summer Olympic Games 2020 sa Tokyo, Japan na inurong lang sa parating na Hulyo-Agosto 8 sanhi ng COVID-19.

“After kong mag-massage, si idol naman sunod. @jamiechristinelim thanks sa picture idol, pinagbigyan mo ako,” pahayag nitong isang araw ng 11th International Boxing Association (AIBA) Women’s World Boxing Championships 2019 Ulan-Ude, Russia gold medal winner na si Petecio, 28, sa kanyang Instagram account.

Sasabak ang 28 taong-gulang, may taas na 5-2 at isinilang sa Santa Cruz, Davao del Sur na boksingera sa huling Olympic Qualififying Tournament psa Paris, France sa Mayo.

Toka naman ang 23-anyos na karateka na si Lim sa nabanggit ding lugar sa papasok ding Hunyo. Siya ay anak ni Philippine Basketball Association (PBA) legend Avelino ‘Samboy’ Lim, Jr. na kilala ring ‘Skywalker’. (REC )

RICHARD, makakatambal ni HEART sa ‘I Left My Heart In Sorsogon’

Posted on: February 3rd, 2021 by @peoplesbalita No Comments

MUKHANG wish came true sa bagong Kapuso actor na si Richard Yap, na makatambal niya si Kapuso actress Heart Evangelista.

Nang ma-interview kasi si Richard nang bagong lipat pa lamang siya sa GMA Network, kung sinu-sino ang mga artistang babae na gusto niyang makatambal kapag gumawa na siya ng projects doon, nabanggit nga niya si Heart Evangelista, at Solenn Heussaff.

Ngayon ay nababalitang si Richard ang makakatambal ni Heart sa bago nitong gagawing weekly series na I Left My Heart In Sorsogon, na isu-shoot ang kabuuan sa Sorsogon in Bicol, na ang husband niyang si Chiz Escudero ang Governor doon.

Sa ngayon ay sunud-sunod pa ang TV guestings ni Richard sa mga shows ng GMA na iba-iba ang genre at kahit maikli lamang ang paggi-guest niya last Saturday sa Pepito Manaloto, naipakita pa rin niya na pwede nga rin siya sa comedy.

Samantala, last two weeks na lamang ang replay ng My Korean Jagiya na ginagampanan ni Heart at ng Korean actor na si Alexander Lee sa GMA Telebabad, napapanood ito Monday to Thursday, after ng Love of My Life.

***

NAG-POST si Kapuso actor Mark Herras sa Instagram niya last January 31 na nakaupo sa lap niya ang preggy partner niyang si Nicole Donesa na mukhang nagli-labor na, dahil ang caption ni Mark: “Itchy I love you!! Alam ko nahihirapan ka pagod puyat pero malakas ka naman my Itchy at mamaya lang kasama na natin si Corky!! Love you!!! Konting tiis na lang my love!!”

Kasunod ngang post ni Mark, magkasama na ang mag-inang Nicole at ang baby boy nilang si Corky: “Name: Mark Fernando Donesa Herras Born: January 31, 2021 Weight: 7.3 lbs Length: 53cm Hi I’m Corky wassap! Very good job mammeeeh!!!”

Sunud-sunod naman ang pagbati ng ‘congratulations’ kina Mark at Nicole mula sa mga kapwa nila Kapuso. Congratulations!!!

***

SINO kaya sa dalawang engaged showbiz couple ang mauunang magpakasal?

Halos magkasunod na nagpakita ng kani-kanilang engagement video si Kapuso actress Glaiza de Castro with Irish fiancé David Rainey, shot in Ireland.

Sina Luis Manzano at Jessy Mendiola naman ay kasama ang kanilang glam team na nag-shoot ng kanilang video sa paborito nilang lugar, ang Amanpulo Luxury Resort in Palawan.

Nakabalik na si Glaiza sa bansa pagkatapos ng one month vacation niya sa Ireland with the family of David at doon nga naganap ang kanilang engagement.

Now that she’s back, natanong na si Glaiza kung kailan daw naman magaganap ang wedding?

“Wala pa kaming date of wedding, pero napagplanuhan na namin na dalawang beses kaming magpapakasal,” sagot ni Glaiza sa interview sa Chika Minute’ ng 24 Oras.

“Isa rito at isa sa Ireland. Iyon ay para parehong maka-attend ang respective family namin. Sa panahon natin ngayon, mahirap ang magbiyahe sa ibang bansa, kaya gagawin ko muna ang bago kong project sa GMA Network, ang ‘Nagbabagang Luha,’ with Rayver Cruz.”

Favorite vacation place nga nina Luis at Jessy ang Amanpulo at doon nila sure gagawin ang kanilang wedding, pero wala pa rin silang sinabi kung kailan ang kasal.

Post lamang ni Jessy, “Soon! Soon than you expected!” (NORA V. CALDERON)

Malakanyang, niresbakan si Robredo

Posted on: February 3rd, 2021 by @peoplesbalita No Comments

BINUWELTAHAN ng Malakanyang si Vice President Leni Robredo matapos na hikayatin nito ang pamahalaan na itigil na ang “propaganda” at sa halip ay ituon ang panahon at pansin sa pagtugon sa hamon na dala ng COVID-19 pandemic.

Todo-depensa si Presidential Spokesperson Harry Roque sa ginagawa ng gobyerno sa pagtugon ng hamon ng pandemiya sa bansa.

Sa katunayan, ginamit ni Sec. Roque ang data mula sa World Health Organization (WHO) para gamitin panabla sa pahayag ni Robredo.

Ani Sec. Roque, ang Pilipinas ay nasa ranked 32nd worldwide pagdating sa “caseload and logged 4,777.43 cases per million population (134th in the world).”

“Baka magalit ang World Health Organization dahil sinasabi n’yo nagpapakalat ng propaganda. Hindi po. World Health Organization po nagsabi kung nasaan na tayo sa ating COVID response,” ayon kay Sec. Roque.

“Bakit namin paniniwalaan ang ibang pag-aaral samantalang lahat tayo nagtitiwala sa World Health Organization sa panahon ng pandemya. Hindi po propaganda ‘yan. Katotohanan. Buksan ang mata, buksan ang tenga,” dagdag na pahayag nito.

Para kay Sec. Roque, unfair ang para sa mga health workers na nakikipaglaban sa pandemiya ang naging pahayag ni Robredo.

“It is unfair to refer to their work output as propaganda. Huwag naman po,” ani Sec. Roque.

Sa ulat, nanawagan si Robredo sa pamahalaan na pagbutihin ang pandemic response kaysa ang “propaganda” matapos na maitala ang -8.3% gross domestic product sa fourth quarter ng 2020.

Kinikilala ni Robredo ang epektong dulot ng COVID-19 pandemic pagdating sa ekonomiya, subalit sa mga panahon na ito ay dapat ipinapakita aniya ang “quality response” ng pamahalaan.

Iginiit ni Robredo na maging ang mga kalapit na bansa ay umaaray din naman sa epekto ng pandemya pero tila “mas maayos” ang mga ito kumpara sa Pilipinas.

“So para sa akin, dapat sana iyong response— Huwag na tayo sa propaganda. Iyong response dapat, tinutugunan kung paano mare-resolve nang mas maaga. Kasi mas matagal iyong ganito, mas marami tayong mga kababayan na maghihirap,” dagdag pa ni Robredo.

Nauna nang sinabi ni acting NEDA Sec. Karl Kendrick Chua na nagambala ang growth momentum at development trajectory ng bansa bunsod ng pandemya.

Ang naitalang contraction sa GDP ng Pilipinas ay dahil sa pagbaba nang performance ng construction sector (-25.3%), other services (-45.2%), at accomodation at food service activities (-42/7%).

Ang mga figures na ito ang siyang dahilan kung bakit ang GDP sa buong 2020 ay -9.5%. (Daris Jose)

Price ceiling para sa pork, chicken products sa NCR sa Pebrero 8 pa sisimulang ipatupad – Dar

Posted on: February 3rd, 2021 by @peoplesbalita No Comments

Sa Pebreo 8 pa magsisimula ang 60-day price cap para sa pork at chicken products sa Metro Manila, ayon kay Agriculture Sec. William Dar.

Inanunsyo ito ni Dar sa pagdinig ng House Committee on Agriculture and Food patungkol sa pagtaas ng presyo ng pagkain.

Kahapon, nilagdaan ni Pangulong Rodrigo Duterte ang Executive Order No. 124, na nagtatakda ng 60-day price freeze sa mga pork at chicken products sa Metro Manila.

Sa ilalim ng EO, ang price ceiling para sa kada kilo ng kasim at pigue ay P270, P300 kada kilo naman para sa liempo, at P160 kada kilo para sa dressed chicken.

Paglilinaw ni Dar, ang price ceiling para sa presyo ng karneng baboy at manok ay para lamang sa public markets.

Hindi kasama rito ang presyo sa mga supermarkets upang sa gayon ay mayroon aniyang mapagpilian ang mga mamimili.

VICE GANDA, na-excite pa sa kissing scene ni ION sa sexy-comedy film

Posted on: February 3rd, 2021 by @peoplesbalita No Comments

ALAM na alam daw ni Vice Ganda ang magiging kissing scene sa pagitan ng boyfriend na si Ion Perez at sa pinu-push ng VIVA na bagong artist na si Sunshine Grimary.

Nabasa raw niya ang script at hindi na raw kailangan pang magpaalam si Ion sa kanya.

“Siyempre alam ko yun dahil ako ang manager ni Ion at ako ang pumirma sa kontrata, ‘di ba? Nae-excite ako at sobra kong proud na ay ang taray, may nakuhang ganung role si Ion, na siya ang pinili. Ang taray mo, you’re the chosen one.”

Kilala rin naman daw niya si Sunshine dahil nai-guest na niya ito sa GGV.

“Ako, go lang ako, nasa showbiz tayo. Trabaho yun. Kikita siya do’n, ‘di ba? Bibili niya ko ng bagong rubber shoes,” biro pa niya.

Hindi lang sigurado si Vice kung mapapanood niya ang movie o ang love scene mismo nina Ion at Sunshine. Kasi raw, si Ion mismo, ayaw na pinapanood ang sarili nito.

“Kahit sa pelikula ko na nandoon siya, hindi siya sumasama sa sinehan, nahihiya siya. Kahit yung ‘Mang Kepweng’ na bumili pa ko ng tickets para panoorin namin noong Pasko, ayaw niyang panoorin.

“So, hindi ko alam kung panonoorin namin dahil nahihiya talaga siya.”

Sa totoo lang, siya raw ang nagsabi kay Ion na sexy-comedy ang tema ng movie. Nagulat pa raw ito ng malamang may laplapan kaya hirit niya sa jowa, “Paanong magiging sexy-comedy kung walang laplapan? Tapos sabi niya, paano yun? Sabi ko, aba, hindi ko alam, hindi naman ako nakipaglaplapan sa babae ‘no!

“Ako, go lang ako, deds ako sa ganun. Super support ako. Siyempre, success niya sa yun and Ion is a different person. Iba si Ion, iba si Vice. Hindi rin pag-aari ni Vice si Ion. Pwede siyang lumipad, lipad ka lang diyan, papalakpakan kita.”

***

NADISMAYA yata ang mga “fan” nina Juliana Gomez at Andres Muhlach.

O posibleng mga tagahanga ng mga tatay nila na sina Richard Gomez at Aga Muhlach na nagwi-wish at umaasam.

May mga comment kasi kaming nabasa na akala raw nila, sina Juliana at Andres na. Bigla kasing lumitaw sa social media na ang National player ng Fencing mula sa Ateneo de Manila na si Miggy Bonnevie-Bautista ay boyfriend na nga ba ni Juliana?

Kung pagbabasehan naman kasi ang pinost ni Miggy sa kanyang Instagram account at kung gaano ka close o cozy ng dalawa, aba e, madali naman talagang masabi na sila nga.

Naalala namin si Richard sa diumano’y boyfriend ng kanyang unica hija na si Juliana. Katulad ni Richard, into sports din ang non-showbiz guy.

So, ‘di-malayong sports ang isa sa common interest nila, bukod sa marami rin silang common friends. Cute si Miggy. At kamag-anak ng nanay nito ang actress na si Dina Bonnevie.

Positive naman ang reaction ng karamihang netizens, lalo na sa nakakaalam ng background ng guy. Bagay raw ang dalawa.

***

BLIND ITEM: Nanghihinayang kami na mauuwi rin sa hiwalayan ang showbiz couple na ito lalo pa nga’t may anak na sila.

Pero sa isang banda, parang hindi na rin naman kami nagulat kung totoo ngang hiwalay na sila.

Posibleng ang biglaang pagpapakasal din nila ang isa sa mga dahilan at ngayon nila mas napu-prove na dapat, hindi muna itinuloy o nagmadaling magpakasal.

Nakikita pa namin na nagpa-follow pa rin sila sa isa’t-isa sa kanilang mga social media accounts. At nagla-like rin sila sa post from time to time. Pero kapansin-pansin na wala na silang mga pictures together at tila hindi na rin magkasama sa ilang importanteng okasyon. (ROSE GARCIA)

NOISE BARRAGE NG ANAKBAYAN, IPINATIGIL

Posted on: February 3rd, 2021 by @peoplesbalita No Comments

IPINATIGIL ang ginawang noise barrage ng militanteng grupong Anakbayan sa Trabajo Market sa Sampaloc, Maynila.

Mismong ang mga tauhan ng Manila Police District (MPD) at barangay na nakakasakop sa lugar ang nagpatigil sa kanilang aktibidad matapos mapag-alaman na walang permit.

Panawagan umano ng grupo sa grobyerno ang karapatan ng mga mga vendors sa kabuhayan lalo na’t patuloy ang pagtaas ng presyo ng bilihin.

Napag-alaman din na iginiit ng grupo na kasama sa aktibidad ang mga vendors ng Trabajo Market para ipaalam ang kanilang hinaing pero napag-alaman na sila-sila lang pala ang magsasagawa ng noise barrage.

Ayon naman kay Brgy. 453, Zone 45, Chairwoman Leticia de Guzman, walang permit at hindi niya pinayagan ang nasabing aktibidad ng militanteng grupo kung saan hindi rin tototo na may mga vendors na kasama nila sa noise barrage.

Agad din kinausap ni Guzman ang mga vendors para alamin kung may mga pagkukulang ba sa pamamalakad ng pamunuan ng palengke at iba pang hinaing ng mga ito.

Ayaw naman umanong paawat ang mga militante kaya napilitan silang paalisin ng mga awtoridad dahil nagdudulot na ito ng perwisyo sa daloy ng trapiko at hindi na rin nasusunod ang inilatag na health protocols. (GENE ADSUARA)

Panukala na maglilibre ng buwis sa kita ng mga frontliners, aprubado

Posted on: February 3rd, 2021 by @peoplesbalita No Comments

Bilang pagkilala at parangal sa hindi matatawarang paglilingkod ng mga medical frontliners sa panahon ng pandemyang dulot ng COVID-19, inaprubahan ng Mababang Kapulungan ng Kongreso sa huling pagbasa ang House Bill 8259, na naglalayong ilibre sa buwis sa taong 2020 ang mga manggagawa sa kalusugan.

Ang panukalang “Handog sa mga Bayaning Lumaban Kontra COVID-19 Act,” na pangunahing iniakda ni Deputy Speaker Michael Romero, ay naglalayong hindi pagbayarin ng 25% buwis sa kita ang mga medical frontliners.

Itinuturing sa panukala na ang mga medical frontliners ay kinabibilangan ng mga manggagawa sa kalusugan na naglilingkod sa mga ospital, klinika at mga institusyong medikal, maging pribado o pampubliko, na pangunahing gumagamot sa mga pasyenteng nahawaan ng COVID-19.

Kabilang dito ang mga kawani ng administrative office, support personnel at staff, anuman ang estado ng kanilang trabaho.

Dagdag pa dito, ipinasa rin ng mga mambabatas ang HBs 8461 at 8512, na naggagawad ng kapangyarihan sa Pangulo ng Pilipinas na suspindihin ang nakatakdang pagtataas ng bayad sa kontribusyon ng mga miyembro ng PhilHealth at SSS sa panahon ng pambansang kagipitan; HB 8179 o ang “Sustainable Forest Management Act”, at HB 8242 o ang “Right to Adequate Food Act.”

Pinuri naman ni Speaker Lord Allan Velasco ang mabilis na pagpasa ng Kamara sa dalawang mahahalagang panukala na naggagawad ng kapangyarihan kay Pangulong Duterte, na suspindihin ang nakatakdang pagtataas ng bayad sa kontribusyon ng mga miyembro ng Philippine Health Insurance Corporation (PhilHealth) at Socal Security System (SSS) “sa panahon ng pambansang kagipitan” tulad ng pandemyang dulot ng COVID-19.

Ang kambal na panukala ay nagbibigay ng pahintulot sa Pangulo, sa pakikipag-ugnayan sa mga Kalihim ng Kagawaran ng Kalusugan at ng Pinansya bilang mga ex-officio chairpersons ng Philhealth at SSS, ayon sa pagkakasunod, “na suspindihin ang implementasyon ng nakatakdang pagtataas ng mga kabayaran sa kontribusyon sa panahon ng pambansang kagipitan, para sa kapakanan ng publiko kung kinakailangan.” (ARA ROMERO)

Car seats para sa mga bata ipapatupad

Posted on: February 3rd, 2021 by @peoplesbalita No Comments

Sinimulan kahapon ng Land Transportation Office (LTO) ang pagpapatupad ng restraining car seats para sa mga batang may edad 12 pababa sa mga pribadong sasakyan sa ilalim ng Republic Act 11229 o ang tinatawag na Child Safety in Motor Vehicles Act.

Sa ilalim ng Child Car Seat Law na nilagdaan ni President Duterte noong February ng nakaraang taon, ang mga batang may edad 12 pababa ay kinakailangan gumamit o maglagay ng restraint systems upang payagan na umupo sa unahan at likuran ng sasakyan at kung sila ay may taas naman na 4’11’’ ay maaari rin silang umupo sa unahan ganon din sa likuran ng walang car seat subalit sila ay kinakailangan ng gumamit ng regular na seat belt.

Ang batas ay nagpapataw ng multang P1,000 para sa unang offense at P2,000 sa ikalawang offense hanggang P5,000 naman para sa ikatlong offense at isang (1) taon na pagsuspendi ng driver’s license depende sa ginawang offense.

Sa ngayon ay wala munang apprehensions sa mga motorista na lalabag sa batas dahil magkakaron muna ng malawakan na information campaign.

“Apprehensions will be deferred as the information campaign regarding the law is still ongoing. We will be on the warning mode,” ayon kay LTO NCR director Clarence Guinto.

Ayon kay Guinto, mapanganib sa mga bata na ilagay sila sa booster seat kung sila ay mataas ang sukat kumpara sa average height ng kanilang edad sapagkat maaaring mauntog sila sa ceiling ng sasakyan.

“Manufactueres, distributers, importers, retailers and sellers of substandard or expired child car seats and any forgery of certification stickers would be fined P50,000 up to P100,000 for every seat sold,” dagday ni Guinto.

Nagsimula ng magsagawa ng training ang mga tauhan ng LTO para sa pagpapatupad ng nasabaing batas na kasama ang mga pribadong motor vehicles.

Sinabi pa rin ni Guinto na magbibigay sila ng administrative order na magbabawal na maglagay ng madilim na car tints na makakasagal sa pagpapatupad ng nasabing batas.

Samantala, hindi naman ayon ang ibang motorista sa paglalagay ng car seats sa sasakyan dahil sinabi nila na kung may 2 0 3 anak sila na bata pa ay tiyak na hindi magkakasya ang lahat ng pasahero sa sasakyan dahil magiging masikip na.

Mula sa datus na binigya ng LTO, mayron ng 12,487 na deaths ang naitala noong 2018 dahil lamang sa road accidents. (LASACMAR)

Bibigyan ng katarungan ang pagkamatay ng OFW na si Mary Anne Daynolo

Posted on: February 3rd, 2021 by @peoplesbalita No Comments

TUTUPARIN ng pamahalaan ang pangako ni Pangulong Rodrigo Roa Duterte na mabigyan ng katarungan ang pagkamatay ng Pinay worker na si Mary Anne Daynolo.

Si Mary Anne Daynolo ay isang OFW na nawawala mula noong March 4, 2020 10:30 PM (Abu Dhabi time) sa kanyang pinagtatrabuhan sa The St. Regis Saadiyat Island Resort, Abu Dhabi, UAE.

“Ngayon po ang inaatupag natin ay bigyan ng katarungan itong pagkamatay ng ating kababayan na si Mary Anne Daynolo.

Well, ang pangako po ng Presidente mabibigyan po ng hustisya at katarungan ang pagkamatay ng ating kababayang si Mary Anne Daynolo,” ayon kay Presidential Spokesperson Harry Roque.

Sa ngayon aniya ay ang Overseas Workers Welfare Administration (OWWA) ang tumutulong sa pamilya ni Mary Anne.

“In fact, ang OWWA po ang tumulong para magkaroon po ng autopsy ng sa ganoon mabigyan ng katarungan ang pagkamatay niya. May autopsy din pong nangyayari ngayon sa panig ng NBI at lahat po ng gastos para ilibing si Mary Ann ay sagot po ng ating OWWA. At magkakaroon din po sila ng financial assistance at death benefit galing po sa OWWA sa takdang panahon,” ani Sec. Roque. (Daris Jose)