2020 February 27 Archive - People's Balita

December 22, 2024
Search in People's Balita
Ang Diyaryong Pinagkakatiwalaan

Archive for February 27th, 2020

Philracom Awards: ‘Union Bell’ pararangalan

Posted on: February 27th, 2020 by @peoplesbalita No Comments

ANG mala-birhen o malinis na kartada sa nagdaang 2019 racing season, pararangalan si champion horse Union Bell at owner nitong Bell Racing Stable sa isasagawang 2020 Philippine Racing Commission (Philracom) Awards ngayong Linggo sa Chantilly Bar ng San Lazaro Leisure Park sa Carmona, Cavite.

Iniluklok ang undisputed 2YO champion bilang 2019 Stakes Races Horse of the Year ng Philracom matapos ang malinis na anim na panalo kabilang ang limang stakes races victory – pinakamarami sa nagdaang 2019 racing calendar.

Sinimulan ng two-year-old colt (sire Union Rags, USA; dam Tocqueville, ARG) ang 2019 sa panalo ng 2YO regular race noong September 25, kasunod ang pagwalis sa limang stakes race na tampok ang tatlong leg ng Philracom Juvenile Colts and Stakes Races at dalawang leg ng Philtobo Juvenile Championships.

Sa mga hataw ni Union Bell, nahirang din ang Bell Racing Stable ni owner Elmer de Leon bilang Stakes Races Horse Owner of the Year, kung saan tinaggap ng anak niyang si Loel at utol na si Joseph ang award mula kina Philracom chairman Andrew A. Sanchez, commissioners Victor Tantoco at Lyndon Guce at executive director Andrew Rovie Buencamino.

Si star jockey Jonathan B. Hernandez, ang nagtimon sa lahat ng panalo ni Union Bell nitong 2019, ang itinanghal na Stakes Races Jockey of the Year.

Kikilalanin naman si Real Gold, pag-aari ni Jesus Ramon Mamon ng C&H Enterprises, bilang Top Earning Horse of the Year sa kinitang P7.4M sa likod ng dalawang panalo sa tatlong salang sa Triple Crown Series ng Philracom.
Paparangalan bilang 2019 Stakes Races Horse Trainer of the Year si Danilo Sordan, habang si Ruben Tupas ang Top Earning Trainer of the Year (P2.6M).

Habang si Atty. Narciso Morales ang Top Earning Horse Owner of the Year (P38.9M).

“These awardees prove that the Philippine horse-racing industry will always have an abundance of achievers despite the challenges. We at the Philracom look forward to more achievers in the 2020 racing calendar so that the industry can stay vibrant and dynamic,” sabi ni Sanchez. (REC)

Patay sa COVID-19 sa China, nasa 2,764 na

Posted on: February 27th, 2020 by @peoplesbalita No Comments

MAHIGIT 50 pa ang nadagdag na patay sa nakalipas na magdamag mula sa China, habang may mga nasawi rin sa Italy at Iran dahil sa coronavirus disease (COVID-19).

Dahil dito, umabot na sa 2,764 ang kabuuang bilang ng mga nasawi dahil sa naturang sakit.

Nasa 80,996 naman ang mga nagpositibo sa virus mula nang una itong ma-detect noong Disyembre 2019.
Sa nasabing bilang, 8,839 o 18 percent pa rin ang nananatiling kritikal, habang 39,342 o 82 percent ang mild conditions.

Samantala, umaabot naman sa 30,051 ang mga naka-recover, matapos ang isinagawang quarantine sa mga ito.

Abil, kakampay sa Marinera

Posted on: February 27th, 2020 by @peoplesbalita No Comments

NAKAHANDA nang umariba para sa 8th Philippine SuperLiga Grand Prix 2020 ang Marinerang Pilipina sa paghambalos ng season-opening conference women’s indoor volleyfest sa darating na Pebrero 29.

Siguradong mangunguna sa opensa ng Marinera si ace player Judith Abil kasangga sina Dimdim Pacres, Ivy Remulla at import Hana Cutura.

Maski mabigat ang hamon sa bawat koponan, kakayod ang Lady Skippers sa nalalapit na torneo para masungkit ang kampeonato.

“It’s a real challenge for everyone. Any small thing na we can see na pwede namin i-overcome sa team is already an opportunity for us,” paliwanag ni MP coach Milet Ponce-de Leon.

Matatasahan ang Marinera kontra Cherry Tiggo Crossovers sa Marso 3 ng alas-7:00 ng gabi sa The Arena sa San Juan City. (REC)

Agent nagwala, arestado

Posted on: February 27th, 2020 by @peoplesbalita No Comments

SA kulungan ang bagsak ng isang insurance agent matapos insultuhin at pagsabihan ng hindi magandang salita ang isang massage therapist na tumanggi sa pera na kanyang inaalok kapalit ng extra service sa loob ng isang massage clinic sa Valenzuela city.

Sa ulat, alas-12 ng hating gabi, nagtungo si Joshua Pangilinan, 21 ng Block 33 Sampaloc St. Brgy BF Homes, Paranaque city sa Health Spa sa 1764 Nicaragua St. Brgy. Valenzuela city at kinuha ang serbisyo ni Kristine Pardo, 22, para magpa-massage.

Habang nasa loob ng massage room, inalok ng lasing umanong suspek si Prado ng hindi mabatid na halaga ng pera kapalit ng extra service subalit, tumanggi ang bebot.

Nagalit umano ang suspek at nagsimulang magwala habang pinagsasalitaan ng hindi magandang salita ang biktima.
Hindi pa nakuntento, kinunan pa ng suspek ng video ang biktima gamit ang kanyang cellphone na naging dahilan upang humingi ng tulong ang management sa mga barangay opisyal na nagresulta sa pagkakaaresto kay Pangilinan.
Kasong alarm and scandal at unjust vexation ang isinampa ng pulisya kontra sa suspek sa Valenzuela City Prosecutor’s Office. (Richard Mesa)

Travel ban sa South Korea, ipatutupad na

Posted on: February 27th, 2020 by @peoplesbalita No Comments

Inianunsyo ng Malacañang na nagdesisyon na ang Inter-Agency Task Force on Emerging Infectious Diseases (IATF) na magpapatupad na rin ng ban na makapasok ng Pilipinas ang mga biyaherong manggagaling mula North Gyeongsang province ng South Korea.

Sinabi ni Presidential Spokesman Salvador Panelo, magsa-sagawa pa ng risk assessment ang task force sa loob ng 48 oras kung kailangang palawakain ang mga lugar sa South Korea na sasaklawin ng travel ban.

Ayon sa kalihim, sa ngayon ay ipaiiral muna ang mahigpit na protocols sa mga manggagaling sa ibang bahagi ng South Korea.

Papayagan ang mga Pilipino na makabiyahe ng South Korea kung sila ay permanent residents doon, aalis para mag-aral o kaya overseas Filipino workers (OFWs) na nagtatrabaho doon.

“The IATF has authorized Filipinos to travel to South Korea, provided that they are permanent residents thereof, leaving for study, or are overseas Filipino workers therein. They are to execute and sign a declaration, signifying their knowledge and understanding of the risks involved, prior to their travel,” ani Sec. Panelo.

“With respect to other parts of South Korea, the IATF shall conduct a risk assessment of the situation in the aforesaid country within 48 hours to analyze whether it is necessary to expand the travel ban thereto. In the meantime, strict protocols with respect to travelers entering the country from these areas in South Korea will continue to be observed.” (Daris Jose)

Quo warranto vs ABS-CBN, sa Marso 10 pa aaksyunan – SC

Posted on: February 27th, 2020 by @peoplesbalita No Comments

IPINAGPALIBAN ng Supreme Court (SC) ang pag-aksiyon sa quo warranto petition na inihain ni Solicitor General (SolGen) Jose Calida laban sa ABS-CBN franchise.

Pasok sa agenda ng En Banc session kahapon (Miyerkules), ang quo warranto at gag order petitios ng SolGen laban sa Kapamilya Network pero batay sa mapagkakatiwalaang source sa Korte Suprema, ipinagpaliban muna ang pagpapasya sa mga petisyon at target na isalang muli sa En Banc sa March 10.

Sa ngayon, patuloy pa raw ang isinasagawa ng mga mahistrado na deliberasyon sa petisyon ng pinakamataas na abogado ng pamahalaan.

Una rito, samu’t sari ngang paglabag ang inilatag ni SolGen Jose Calida sa kanyang quo warranto petition laban sa ABS-CBN Corporation at kanilang subsidiary.

Kabilang umano dito ang pang-aabuso sa privilege na ibinigay ng estado nang ilunsad nito at nag-operate ng pay-per-view channel sa ABS-CBN TV Plus at KBO Channel na walang approval o permit mula sa National Telecommunications Commission.

Gaya din umano ng Rappler, nag-isyu rin ang ABS CBN ng Philippine Deposit Receipts (PDRs) sa pamamagitan ng ABS-CBN Holdings Corporation sa mga foreigner na paglabag sa foreign ownership restriction sa mass media.
Maging ang ABS-CBN Convergence, Inc. na dati umanong Multi-Media Telephony, Inc., ay nag-resort din sa ingenious corporate layering scheme para ilipat ang franchise na walang Congressional approval.

Bigo rin umano silang ilabas ang ano mang outstanding capital stock sa securities exchange sa bansa sa loob ng limang taon.

Maliban dito, hinahayaan din umano ng korporasyon ang mga foreign investors na makibahagi sa ownership ng Philippine mass media entity na paglabag sa foreign interest na nasa ilalim ng Section 11, Article XVI ng Philippine Constitution.

Sa kabilang dako ang ABS CBN Convergence, Inc. na dati umanong Multi-Media Telephony, Inc. ay nag-resort din sa ingenious corporate layering scheme para ilipat ang franchise na walang Congressional approval.

Bigo rin umano silang ilabas ang ano mang outstanding capital stock sa securities exchange sa bansa sa loob ng limang taon.

Pero ayon sa ABS CBN, awtorisado ng National Telecommunication s Commission (NTC) ang paggamit ng ABS CBN ng conditional access system software na ginagamit nito sa pay-per-view.

Maliban dito, mayroon din umanong certificate of good standing ang ABS-CBN TV Plus sa NTC noong 2019. (Daris Jose)

3×3 BASKETBALL TOURNEY, SABAY SA 45TH PBA OPENING

Posted on: February 27th, 2020 by @peoplesbalita No Comments

UPANG mapataas ang ranking ng Pilipinas sa 3×3 basketball, pasisimulan ng Philippine Basketball Association (PBA) ang 3×3 tournament sa pagbubukas ng 45th season ng liga sa Marso 8.

Sinabi ni PBA Board Vice Chair at Columbian Dyip Governor Demosthenes Rosales, maliban sa kasalukuyang 12 PBA teams, magkakaroon din ang Mighty Bond at Dunkin Donuts ng kani-kanilang team para sa nasabing tournament na gagamitan ng International Basketball Federation (FIBA) rules.

“These 14 teams will be divided into two groups of seven. There will be a total of 42 elimination games and 14 playoff games per conference,” anang opisyal.

Ang semifinals at finals ay parehas na best-of-three series.

“We intend to put up a pot money which we still have to determine for the winning teams,” ayon kay Rosales.
Ang mga laro ay tuwing Lunes, Miyerkules at Biyernes sa pagitan ng mga nakatakdang doubleheader sa ng mga koponan na nakatakdang maglaro sa napagkasunduang araw. Ang torneo ay bukas para sa lahat.

“There will be no age restrictions,” wakas ni Rosales, habang ipinaliwanag na bawat koponan ay dapat na may apat hanggang anim na players habang papayagan na may dalawang Fil-foreigner para makapaglaro.

Nagpasalamat naman si Samahang Basketbol ng Pilipinas (SBP) President at Meralco Governor Al Panlilio sa PBA sa pagsuporta nito sa 3×3 program.

“If we want to be serious with 3×3, we make it a stand-alone tournament,” sabi ni Panlilio.

Naniniwala ang SBP prexy na ang 3×3 ay isang sport kung saan maaaring makapasok ang mga Filipino sa Olympics.
“If not in 2020, maybe in the next one (2024) in Paris,” dagdag niya.

Ang hakbangin ng PBA ay makatutulong umano upang masundan ang tagumpay ng bansa sa 3×3 kasunod ng gold medal finish ng men at women’s teams noong 2019 Southeast Asian Games.

Bagamat walang magaganap na draft para sa 3×3 players, bibigyan ng karapatan ang lahat ng kasaling teams na mamili kung sinu-sino ang paglalaruin nila sa torneo.

Gayunpaman ay nilinaw ni PBA Commissioner Willie Marcial na hindi awtomatikong makapapasok sa professional ranks ang mga 3×3 player.

Dinugtong pa ni Marcial na ang torneo ay isang stand-alone na torneo na katulad sa PBA D-League bilang parte ng commitment ng liga na tulungan ang SBP kung saan isa ang liga sa mga major stakeholder.

“Importante ito hindi lang naman sa PBA pero para sa bansa natin,” aniya.

Ang 3×3 games ay gaganapin kasabay ng regular PBA play dates sa Metro Manila.

MMDA: 1-2 a.m., deadliest hour sa mga kalsada sa NCR

Posted on: February 27th, 2020 by @peoplesbalita No Comments

NAGANAP ang mga aksidenteng nakamamatay sa Metro Manila noong 2019 sa oras na ala-1:00 ng madaling araw hanggang alas-2:00 ng madaling araw, hango sa datos ng Metropolitan Manila Development Authority (MMDA).

Ito ay batay sa hourly accident tally ng Metro Manila Accident Reporting and Analysis System.

Sa kabila ng magaang daloy ng trapiko ang nararanasan sa naturang oras, iginiit ng MMDA na ang mga drayber ay posibleng pagod o inaantok.

Noong 2019, naitala ng MMDA ang 8,593 road accidents simula 1:00 a.m. hanggang 5:00 a.m. kung saan 111 dito ang nasawi.

Iginiit din ng MMDA na ang 33 namamatay ay nasa pagitan ng oras ng 1 a.m. at 2 a.m.

Sa datos naman ng Philippine National Police – Highway Patrol Group (PNP-HPG), 90% of road accidents were due to ng aksidente sa daan ay dahil sa human error.

Samantala, isinusulong ni Bagong Henerasyon Rep. Bernadette Herrera ang panukala upang maglagay ng dashboard camera, closed circuit television (CCTV), at global positioning system (GPS) sa lahat ng pampublikong transportasyon.

Sa House Bill 3341 ni Herrera, inoobliga ang mga public utility vehicles (PUVs) at Transportation Network Vehicle Service (TNVS) tulad ng GRAB na maglagay ng dashboard cameras, CCTV at GPS bilang pagtugon sa standard safety equipment para mapangalagaan ang riding public.

Tinukoy ni Herrera ang maraming insidente at krimen na kinasangkutan ng mga pampublikong sasakyan tulad ng pagnanakaw, kidnapping, rape, sexual assault, harassment at murder.

Naniniwala ang kongresista na sa paglalagay ng mga safety equipment ay magagarantiya ang kaligtasan ng mga mananakay gayundin ang mga pedestrian at motorista.

Malaking tulong ang mga instrumentong ito para mai-dokumento at mai-record ang mga insidente na kinasangkutan sa kalsada gayundin sa loob ng sasakyan.

Nakasaad din sa panukala ang pagkakaroon ng special loaning program kung saan maaaring pautangin ang mga public transport operators at companies para makabili ng mga nabanggit na safety devices. (Ara Romero)

ASF lumalala?!

Posted on: February 27th, 2020 by @peoplesbalita No Comments

KASABAY nang tinututukang kontrobersiyal na prangkisa ng ABS-CBN, pagkalat ng COVID-19 at ‘Pastillas Modus’ sa Bureau of Immigration, dumarami pa rin ang umaaray sa African Swine Fever (ASF) at patuloy ang paglaganap ng virus sa mga alagang baboy sa iba’t ibang bahagi ng bansa.

Kailangan nang itodo ang paghihigpit ng local government units (LGUs) sa pamamagitan ng pagpapatupad ng quarantine at checkpoint sa lahat ng entry at exit points ng kanilang nasasakupan. Isa ito sa mga paraan upang matiyak na walang nakapupuslit na produkto na maaaring pagsimulan ng nasabing virus.

Kung lahat ay magtutulungan mula sa LGU hanggang sa mga nag-aalaga ng baboy, mas madaling masusugpo ang ASF. Kung may makitang banta o kaso ng virus, kailangang ipagbigay-alam agad sa mga kinauukulan.

Sa ganitong paraan ay maiiwasan ang paglala ng sitwasyon, huwag na huwag sanang sumagi sa isipin na damay-damay, dahil lalo tayong malalagay sa alanganin.

Minsan, talagang may kailangang magsakripisyo alang-alang sa nakararami. Bukod sa mga checkpoint, malaking tulong din ang pagpapatupad sa national zoning plan.

Kasabay nito ang pakiusap sa mga opisyal ng lugar na huwag nang mag-atubiling magdeklara ng state of emergency kung lalawak pa ang ASF, para na rin sa agarang tulong na maihahatid sa mga apektado ng ASF.

Mga pinauwing Pinoy crew ng Japan cruise, hindi mawawalan ng trabaho: DOLE

Posted on: February 27th, 2020 by @peoplesbalita No Comments

Walang Pinoy crew ng MV Diamond Princess ang mawawalan ng trabaho.

Ito ang tiniyak ni Labor Secretary Silvestre Bello III sa mga pinauwing mga Pinoy mula sa nasabing cruise sa Japan na sasailalim naman sa 14 days quarantine sa New Clark City sa Tarlac. Ayon sa kalihim, agad na ihahanda ang kanilang redeployment sa sandaling matapos ang kanilang quarantine.

Aniya, kailangan lamang na sumailalim muna ang mga Pinoy crew sa quarantine lalo pa at maraming naitalang kaso ng Coronavirus Disease o COVID-19 sa cruise ship.

Nakausap na rin ng DOLE ang Magsaysay Maritime Corporation kung saan siniguro naman ng manning agency na makakasampa muli sa barko ang mga na-repatriate na crew.

Sinabi rin ng kalihim na ang mga Pinoy crew ay mapagka-kalooban naman sila ng P10,000 cash aid sa bawat isa.
Kinumpirma ni Bello na sa 538 Pinoy crew ay nasa 80 lamang ang nagpaiwan sa MV Diamond Princess.