2020 March Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for March, 2020

UPAKANG VERA-BHULLAR, TABLADO SA PUBLIKO

Posted on: March 14th, 2020 by @peoplesbalita No Comments

INANUNSIYO ng ONE Championship na lahat ng kanilang events kabilang ang laban na gaganapin sa Maynila ay gagawing fan-less o closed door para sa mga manonood.

Nag-ugat ito dahil na rin sa kumakalat na coronavirus disease o COVID-19 , ayon sa nilabas na statement ni ONE championship chairman and CEO Chatri Sityodtong.

Lahat ng nakatakdang live events ay pansamantalang sinuspinde hanggang Mayo 29, 2020 bilang pagtalima sa kautusan ng World Health Organization (WHO) hingil sa lumalalang COVID-19.

Magsisimula ang Global broadcast shows na closed doors event sa Singapore sa Abril 17, Abril 24, Mayo 1, at Mayo 8. Nakatakda ang live event na ONE Infinity 1 sa Mayo 29 sa Manila.

Gayundin, ang ONE Esports Dota 2 Jakarta Invitational sa Abril 18-19 ay isasagawa gayundin ang ONE Esports Dota 2 Indonesia Invitational on Nobyembre 23-29.

“My team and I have decided to turn all events for ONE Championship into closed-door, audience-free events effective immediately. Bar none, the safety of our fans, athletes, staff, partners, and the public is the highest priority for ONE Championship. All scheduled ONE events with live audiences will now be suspended until at least May 29, 2020 due to the extraordinary COVID-19 global situation,” pahayag niya.

Gaganapin kasi sa Mall of Asia Arena ang ONE Infinity 2 sa Mayo 29. Pasok sa event ang mga bakbakang Iuri Lapicus kontra Christian Lee para sa ONE Lightweight World Championship at umpugang Eddie Alvarez at Saygid Arslanaliev para sa lightweight contenders.

Highlight ang sapakang ONE Heavyweight World Champion Brandon Vera kontra ex-UFC contender si Arjan Singh Bhullar bilang main event battle.

“We are operating in truly extraordinary times, but my team and I remain committed to providing you the best sports and entertainment action available anywhere on global broadcast today. ONE Championship will continue to thrill you with the greatest martial artists on the planet and inspire you with their incredible stories. This virus might be on the attack right now, but I believe in the power of the human spirit,” dagdag pa ni Sityodtong.

Para sa karagdagang updates, bisitahin ang www.onefc.com, Twitter at Instagram @ONEChampionship, at Facebook at https://www.facebook.com/ONEChampionship.

Basketball rings sa QC, pinagbabaklas

Posted on: March 14th, 2020 by @peoplesbalita No Comments

DAHIL sa paglaganap ng coronavirus o COVID-19 sa bansa ay pinatanggal na ni Mayor Joy Belmonte ang mga basketball ring sa iba’t ibang barangay sa Quezon City.

“Tinanggal ng mga punong barangay namin ang lahat ng mga basketball ring sa covered courts para siguradong hindi sila mag-basketball at kung ano pang mga hindi nila ginagawa during class hours,” pahayag ng alkalde.

Sa ngayon ay nagdeklara na ang lady mayor ng state of calamity sa nasabing lungsod dahil may anim nang kabuuang kaso na nagpositibo sa virus.

Bukod sa paglalaro ay hinikayat rin ng 49-anyos na mayora na iwasan na ang pagpunta sa mga pampublikong lugar gaya na mga misa, public gathering at iba pa.

P400K bulto ng pera, kumpiskado sa pasaherong Pinay sa NAIA

Posted on: March 14th, 2020 by @peoplesbalita No Comments

INARESTO ng Bureau of Customs-Port NAIA ang isang pasaherong Pinay na tangkang maglabas sa bansa ng P400,000 na walang kaukulang permiso o otorisasyon mula sa Bangko Sentral ng Pilipinas (BSP).

Nilabag ng pasahero ang Manual on Cross Border Local Foreign Exchange Transaction sa ilalim ng circular no.922 series of 2016.

Hindi naman pinangalanan ang nasabing pasahero na kasa-lukuyang nakaditine at nahaharap sa kasong kriminal dahil sa paglabag sa Section 36 ng New Central Bank Act (NCBA) at Section 1401 ng Customs Modernization and Tariff Act na may penalty na hindi bababa sa P50,000 pero hindi lalagpas sa P200,000 o pagkakakulong ng hindi bababa sa dalawang taon o higit sa sampung taon o pareho depende sa korte.

Pinayuhan naman ng BOC ang publiko na ang cross border transaction ng local currency, kung ang pag-export o import ng pera na lalagpas sa P50,000 ay kailangan ng written priority authority mula BSP. (Daris Jose)

Alab sa ABL: 10th season ng liga, isuspinde na

Posted on: March 14th, 2020 by @peoplesbalita No Comments

HINILING ni Alab Pilipinas team owner Charlie Dy sa pamunuan ng ASEAN Basketball League na suspindihin ang ongoing 10th season ng liga kasunod mg naging deklarasyon ng World Health Organization (WHO) na isa ng pandemic ang novel coronavirus (COVID-19).

Bukod sa Alab, humiling na rin ang mga koponan ng Hong Kong Eastern, Macau Black Bears at Formosa Dreamers na umaksiyon na ang liga hinggil sa lumalaganap na krisis.

“Since the ABL is a regional league and travel will be difficult and risky, we deem it appropriate to request the ABL to follow the NBA and other sporting leagues in suspending our season,” pahayag ni Dy.

Sa kasalukuyang standings ay pumapangalawa ang Alab, taglay ang 10-6 na marka kung saan huli silang naglaro noong Pebrero 23.

Nasa ika-6 na puwesto naman ang Macau na may patas na markang 7-7 at huli silang naglaro noong Enero 29.
Pumapang-apat naman ang Formosa na may 8-6 na kartada at huli silang naglaro noong Pebrero 2 habang pang-siyam naman ang Hong Kong(3-7) na huli ring naglaro noong Pebrero 2.

Ang mga sumunod nilang mga laro ay na postponed na dahil sa COVID-19.

Kamakailan lamang ay ipina-quarantine si Singapore import Jameel McKay matapos mapag-alaman na sumakay ito ng eroplano na may lulang pasahero na nagpositibo sa virus.

Umaasa si Dy na pakikinggan sila ng ABL sa kanilang hiling para sa kapakanan na rin ng mga players at ng mga fans.
“Alab Pilipinas believes that our fans and supporters will understand this move as it is for the best interest of everyone to take precaution,” ayon pa kay Dy. “Many experts have shared that social distancing is the best way to mitigate the spread of COVID-19 and we wish to take part of this solution.”

American na sex offender, inaresto sa Dumaguete

Posted on: March 14th, 2020 by @peoplesbalita No Comments

INARESTO ng Bureau of Immigration (BI) ang isang wanted na American national sa kanilang bansa dahil sa ilang bilang ng sexual offenses.

Ayon kay BI Commissioner Jaime Morente, si Christopher John Erickson, 49 ay inaresto sa Dumaguete City, Negros Oriental ng mga operatiba ng bureau’s fugitive search unit (FSU).

Dagdag ni FSU Head Bobby Raquepo na si Erickson ay inaresto sa bisa ng mission order na inisyu ni Morente kasunod ng kahilingan ng US authorities na hanapin at arestuhin siya.

Ang operasyon ay isinagawa sa pakikipagkoordinasyon ng United States Diplomatic Security Service – Overseas Criminal Investigations (DSS-OCI) at Philippine National Police (PNP)-Dumaguete.

“An arrest warrant was issued against Erickson last October by the Onondaga County Superior Criminal Court in Syracuse, New York,” ayon kay Raquepo.

Si Erickson ay wanted sa “Course of Sexual Conduct against a Child in the second degree, Sexual Abuse in the first degree, and Forcible Touching and Endangering the Welfare of a Child”.

“He (Erickson) is an overstaying alien who poses risk to public security and safety,” Morente then said. “We will deport him and put him on the BI’s blacklist, permanently banning him from re-entering the country,” dagdag pa ni Raquepo.

Si Erickson ay dumaing sa bansa noong June 8 g nakaraang taon at hindi ito umalis ni minsan. (Gene Adsuara)

4 patay, 5 sugatan sa salpukan ng bus vs van

Posted on: March 14th, 2020 by @peoplesbalita No Comments

APAT ang patay habang lima ang sugatan sa salpukan ng isang van-for-hire at ng isang bus sa Barangay Estaca, sa bayan na ito kahapon (Biyernes) ng madaling araw.

Ayon sa imbestigasyon ng Compostela Police Station, galing Daan bantayan ang van at papunta na sanang Cebu City ng mabangga nito ang bus na papuntang Northern Cebu.

Kabilang sa namatay ang isang seaman na lilipad sanang Manila bago ang community quarantine sa National Capital Region sa Linggo dahil sa tumataas na kaso ng coronavirus disease 2019.

Iniimbestigahan pa ng otoridad kung bakit nagbanggaan ang dalawang sasakyan pati na rin ang alegasyon na nakatulog ang driver ng van na si Patrick Niel Tulo na kritikal ang kondisyon.

Ayon sa nakaligtas na pasaherong si Mark Lester Briones di niya masabing nakatulog ang driver ngunit sinabi niyang mabilis ang kanilang takbo at hindi umano ito dumadaan sa wastong lane.

Aminado naman ang driver ng bus na si Jerry Lubon di na siya nakaiwas dahil bigla nalang bumangga sa kanila ang van.

Hihingin ng mga awtoridad ang CCTV footage ng bus upang tingnan kung ano ang nangyari bago ang aksidente.
Haharap sa kasong reckless imprudence resulting to multiple homicide, multiple physical injuries and damage to property ang driver na mapatunayang responsable sa aksidente.

Lockdown sa PSC, RMSC, Philsports

Posted on: March 13th, 2020 by @peoplesbalita No Comments

PARA masiguro na mapigilan ang paglaganap ng Novel Cornavirus Disease (COVID- 19), minabuti ng Philippine Sports Commission (PSC) na pansamantalang isasara ang tanggapan sa Maynila at Pasig upang isailalim sa sanitation ngayong araw (Biyernes, Marso 13).

Walang pasok ang mga empleyado at pansamantalang hindi muna ipagagamit sa publiko ang mga sports facilities sa Rizal Memorial Sports Complex sa Maynila sa Philsports Complex sa Pasig.

“The PSC will implement a preventive closure tomorrow to undertake sanitation procedures in all its facilities in Manila and Pasig, in light of the World Health Organization (WHO)-declared COVID-19 pandemic,” bahagi ng anunsiyo na ipinalabas ng PSC.

Ngunit, siniguro rin ng tanggapan na babalik sa Lunes, Marso 16 ang operasyon ng naturang ahensiya ng gobyerno at patuloy na maglingkod sa mga atletang Pinoy.

“In this light, the public is advised that work is suspended tomorrow, March 13, as the different offices will also undergo sanitation. Work will resume on Monday, March 16. We advise everyone to be pro-active in ensuring their safety and good health,” anila.

Noong nakaraang buwan lamang nang magdesisyon si PSC Chairman William ‘Butch’ Ramirez na kanselahin lahat ng mga nakahanay na laro at aktibidades sa ilalim ng kanilang pamamahala, upang masiguro ang kaligtasan ng mga atleta, coaches at sports officials, gayundin ang publiko.

Kabilang sa mga kinasela ng PSC ay ang Philippine National Games (PNG), Batang Pinoy, National Sports Summit, at ilan pang mga pagpupulong.

Mabuti ‘yan, siguraduhin ang kaligtasan ng mg empleyado para mas maging epektibo silang manggagawa ng bansa.

Babala sa hoarders: 15 taong kulong, P2M multa ipapataw

Posted on: March 13th, 2020 by @peoplesbalita No Comments

PlNASASAMPOLAN ng isang lider ng Kamara de Representantes ang mga hoarder ng alkohol at iba pang produkto na lalo lamang magpapasama sa kalagayan ng bansa ngayong kumakalat na ang coronavirus disease.

Ayon kay House committee on trade and industry chairman at Valenzuela Rep. Wes Gatchalian sa ilalim ng Price Act ang mga hoarder ay maaaring makulong ng lima hanggang 15 taon, at multang P5,000 hanggang P2 milyon.
“I have received reports that some basic goods in major supermarkets, like alcohol, masks, instant noodles, and canned goods are out of stock for a period of time now. This, despite reports from manufacturers that the supply of goods is enough to meet the increased demand caused by the public health crisis faced by the country, raising concerns of hoarding,” ani Gatchalian.

Sinabi ni Gatchalian na hindi lamang ang sarili ang dapat na intindihin kundi maging ang kapakanan ng iba, marami sa kanila ay sapat lamang ang panggastos sa pang-araw-araw na pangangailangan.

“Let us not purchase more than what we need in order to afford others who have the same need as you and I. Our collective effort is needed if we are to survive this crisis as one nation,” dagdag pa ng solon.

Sa ilalim ng Price Act (RA 7581) ay ipinagbabawal ang labis na pag-iimbak ng mga basic commodity upang pataasin ang presyo nito.

Kaugnay nito, maging ang Palasyo ay kaisa sa mungkahing ito kung saan ayon kay Presidential Spokesman Salvador Panelo, papatawan ng kaukulang parusa ang sinumang magsasamantala sa sitwasyon ngayon dahil nakalilikha lamang ito ng pagtataas sa presyo ng mga bilihin.

Ayon kay Panelo, hindi rin sasantuhin ng Palasyo ang mga reseller na nagbebenta ng sobra-sobrang presyon sa mga basic commodoties. (Ara Romero)

P2-M ecstasy, naharang sa NAIA; Kukuha ng parcel, timbog

Posted on: March 13th, 2020 by @peoplesbalita No Comments

NASABAT ng Bureau of Customs-NAIA sa koordinasyon ng Philippine Drug Enforcement Agency (PDEA) at Ninoy Aquino International Airport Inter-Agency Drug Interdiction Task Group (NAIA-IADITG) ang dalawang parcel na naglalaman ng halos P2 milyong halaga ng ecstasy pills sa Central Mail Exchange Center (CMEC) sa Pasay City.

Pawang mga galing sa Leusden, Netherlnds ang mga parcel na idineklarang “bags of candy”.

Sa isinagawang ekasaminasyon natuklasan na ang ang 4 na clear plastic sealed ay naglalaman ng hinihinalang ecstasy tablets na nakalagay naman sa caramel candy bags.

Sa laboratory results na isinagawa ng PDEA, lumabas na positibo na ecstasy ang laman ng nasabing mga parcel. Kinilala ang suspek na si Kim Fuentes mula sa Makati City na naaresto habang kini-claim nito ang parcel.

Itinurn-over na sa PDEA ang consignee at ecstasy para sa inquest proceedings para sa paglabag ng Comprehensive Dangerous Drugs Act na may kaugnayan sa pagbabawal sa pag-import, Goods Liable for Seizure and Importation at Customs Modernization and Tarrif Act (CMTA)

Bagunas biyaheng Japan, bagong kontra inilatag

Posted on: March 13th, 2020 by @peoplesbalita No Comments

MULING masisilayan si dating UAAP MVP Bryan Bagunas sa aksiyon sa Japan Volleyball Premier League dahil panibagong kon-trata ang ibibigay sa kanya ng Japanese club team na Oita Miyoshi.

Ito ang isiniwalat ni Bagunas matapos magsilbing import ng Oita Miyoshi sa nakalipas na 2019 season.

“Sinabi sa akin ng team na kukunin nila ulit ako so next season nandoon ulit ako sa Japan. Marami akong natutunan sa Japan na gusto ko rin sanang i-share sa Pilipinas lalo na sa national team,” ani Ba-gunas na ginawaran ng Mr. Volleyball award sa PSA Awards Night.

Masaya rin si Bagunas dahil pinahihintulutan ito ng kanyang club team na bumalik sa Pilipinas sakaling kailanganin nitong maging miyembro ng national team.

Nakapaglaro si Bagunas sa national squad noong 2019 Southeast Asian Games sa Maynila kung saan nasungkit ng mga Pinoy Spikers ang pilak na medalya.

“Thankful ako dahil napakabait ng owner ng team. Sinabi niya na papayagan daw niya ako maglaro basta may league ang national team,” ani Bagunas.

Ilan sa mga lalahukan ng national team ang 2020 Asian Men’s Club Volleyball Championship sa Nakhon Ratchasima, Thailand sa Abril at ang 2020 AVC Cup sa Nay Pyi Taw, Myanmar sa Agosto.

“Iba talaga ang training sa Japan. Sobrang disiplinado nila, marami ka talagang matututunan lalo na sa techniques sa volleyball,” ani Bagunas.