Mula sa Agosto 3 ay mandatory na sa mga kumukuha ng student permit para sa driving na mag undergo ng “at least 15 hours” na theoretical course mula sa mga LTO accredited driving schools o sa Drivers Education Centers ng LTO.

Ang paniwala ng LTO ay sa ganitong paraan “mas magiging disiplinado at courteous” ang mga drivers. Pero take note po – hindi ito libre. May bayad po! Mas maganda raw na may gastos para pagpahalagaan ng mga aplikante ang driver’s license nila.  Pero parang isa ulit itong sampol na pag hindi kaya ng gobyerno ay ipapasa sa pribadong sektor at pagkakitaan ang “solusyon” sa problema.

Marami naman kasi na nagkaka-lisensya na hilaw pa sa kaalaman sa pagmamaneho.  Pero teka, diba’t kahit may student license ay dadaan pa rin sa examination bago makakuha ng driver’s license? Kung hindi dapat pumasa ang isang aplikante ng lisensya eh bakit nakakakuha pa rin ng driver’s license?

Ang student permit ay hindi lisensya!  Kaya nga ‘student’ – para magaaral na makapagmaneho.  At talaga bang kailangan yung ‘15 hours’ theoretical mandatory course bago makakuha ng student permit?

Sigurado kayang walang mangyayaring magic na naman dito at basta mag-i-isue na lang ng certificate of completion?  Kung kailangan talaga na “kahit papaano” ay may alam na sa pagmamaneho ang isang kumukuha ng lisensya bakit hindi sa high school pa lang ay ma-integrate na ang driving lessons – wala pang gastos.

At kapag kukuha ka ng student permit at graduate ka na ng high school ay mas me alam ka na kaysa kukuha pa ng 15-hours theoretical course.  O kaya naman para wala nang gastos para sa mga nais magmaneho – maliban sa mga accredited driving schools ay mag-offer ang TESDA o mga LGU ng driving lessons.

Pa-accredit nila sa LTO at libre pa nila makukuha ang mandatory na 15-hours theoretical course.  Sana ay ma-konsidera ng LTO ito para naman yung mga hindi makakayanan ang enrollment fee sa mga accredited driving schools ay may pag-asa naman na makakuha ng lisensya sa ligal na paraan. (Atty. Ariel Enrile-Inton)

PINAPAOBLIGA ng 11 indibidwal sa Supreme Court (SC)  ang gobyerno na magpatupad ng libreng mass testing sa COVID19.

Sa pamamagitan ng National Union of Peoples’ Lawyers (NUPL), hiniling ng mga petisyuner na palakasin ang contact tracing ,mabilisang pag contain ng virus at i-improve ang laboratory testing capacity.

“The omission of proactive and efficient mass testing amid the COVID-19 pandemic has shown that a systemic and normalized violation of the right to health engenders the impairment of other human rights and liberties, such as the rights to travel, livelihood or work, education, and access to justice,” base sa  petition for mandamus.

Gusto rin umano ng mga petisyuner na atasan ang gobyerno na ilabas ang tama at kumpletong impprmasyon sa situwayon ng CoVID19 sa Pilipinas.

“Without accurate and timely information on the extent of community transmission of COVID-19, the government lacks proper grounds for any policy pronouncement. These irregularities lessen the confidence of the public in the ability of the DOH (and government in general) to deal with the pandemic with transparency and integrity,” dagdag pa sa petisyon.

Kabilang sa mga petisyuner sina dating
social welfare secretary Judy Taguiwalo, kumakatawan sa  senior citizens, medical doctors, scientists, the LGBTQIA community, migrant workers, students, teachers, jeepney drivers, frontline workers, professionals at homemakers.

Habang ang mga  respondents sa  petition sina  Health Secretary Francisco Duque III, Defense Secretary Delfin Lorenzana, Interior Secretary Eduardo Año, Transportation Secretary Arthur Tugade, Budget Secretary Wendel Avisado, Cabinet Secretary Karlo Nograles, Labor Secretary Silvestre Bello III, pawang nasa  Inter-Agency Task Force for the Management of Emerging Infectious Diseases.

Gayundin kasama si Peace process chief Carlito Galvez Jr.,  chief implementer ng  national action plan against COVID-19 bilang respondent. (GENE ADSUARA)

Magsisilbing isang tulay na magdurugtong sa mga guro at sa ‘new normal’ ang pagpasa ng mga panukalang batas na makatutulong sa pagtugon sa hamon sa teknolihiya sa panahon ng pandemya, tulad ng House Bill 7034.

Naglalayon ang HB 7034 (Internet Allowance for Public School Teachers Act of 2020) na isinusulong ni ACT-Teachers Party-List Rep. France Castro na maglaan ng badyet para sa internet allowance ng mga pampublikong guro na nagkakahalaga ng P1,500 kada buwan.

Ito ay sasaklolo sa pagtugon ng mga guro sa bagong paraan ng pagtuturo na tinatawag na ‘distant learning’ na ipatutupad na sa pagsisimula ng klase sa Agosto 24.

Dahil nga sa krisis na kinahaharap ng ating bansa dahil sa COVID-19, ipinagbabawal ng Department of Education (DepEd) ang face-to-face na klase.

Samakatuwid, higit na kinakailangan ng mga guro ang paggamit ng internet.

Noong wala pang pandemya, pilit na pinahihigpit na ng mga guro ang kanilang sinturon kaya, dagdag-dagok na naman sa mga guro ang pagtapyas sa kanilang badyet upang ilaan sa pagbayad ng kanilang internet services.

Ito’y lalong magbabaon sa kanila sa kumunoy ng utang dahil wala silang ibang pagpipilian kundi kumapit na naman sa pagpunta sa London- loan dito, loan doon.

Kasabay ng pagsulong ng ACT- Teachers Party-List sa Panukalang Batas 7034, sumisigaw rin ang mga guro na nawa’y maisabatas ito upang maging transportasyon nila sa pagtupad ng layunin ng DepEd na maihatid ang aralin sa mga estudyante sa kani-kanilang tahanan.

Magbibigay ngiti at kaluwagan sa ating mga guro ang pagpasa sa panukalang batas na ito.
Sa rami ng nautang ng gobyerno dahil sa pandemyang ito, maglaan dapat sila ng katiting na porsyento para rito.

Simula noong  Linggo, July 5  ay mababawasan ang biyahe ng Metro Rail Transit  Line 3 (MRT3)  matapos na mag- positibo ang may 127 na workers ng depot.

Mula sa dating average na 16 hanggang 19 trains na tumatakbo, ito ay magiging 12 trains na lamang dahil ang mga workers ay mababawasan dahil sila ay nag-positibo sa COVID-19.

Ang mga nasabing workers ay naka-deploy sa North EDSA maintenance works at repairs kung saan sila ay sumailalim sa polymerase chain reaction (PCR) test ang mga ito.

“There are 124  employees of the rail line’s maintenance provider Sumitomo Corp.- Mitsubishi Heavy Industries-ES Philippines while the rest are the rail line’s depot workers,” wika ni Department of Transportation (DOTr) undersecretary Timothy John Batan.

Ayon sa DOTr may 46 na workers ang naka-home quarantine, 74 ay nasa mga isolation facilities ng pamahalaan at ang 7 naman ay nasa pangangalaga ng mga local government units.

Unang naitala ang kaso ng COVID-19 noong June 22 kung saan ang mga empleyado ay nakatalaga sa MRT’s quality control section.

“We are assuring the public that no station personnel, who usually come in contact with passengers were infected,” ayon naman kay MRT3 operations director Michael Capati.

Ayon sa MRT, ang mga MRT 3 trains ay sumasailaim sa disinfection ng dalawang beses sa isang araw kada sang train trip. Ginagawa ito sa North Avenue sa Quezon City at sa pagdating sa Taft Avenue station sa Pasay.

Para naman mabawasan ang mga naghihintay na mga pasahero, ang MRT 3 ay maglalagay din ng mga buses upang maisakay ang mga pasahero.

Samantala, may 700 na mga empleyado ng MRT 3 ang nag- negative sa ginawang rapid antibody test sa mga ito.

Habang patuloy an gginagawang anti-rapid test sa mga empleyado ng MRT 3 ay patuloy din ang ginagawang contact tracing sa mga nakasalimuha ng mga nag positive na workers sa North Depot.  (LASACMAR)