2020 September 03 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for September 3rd, 2020

Japanese tennis star Osaka, ipinakita ang suporta sa racial discrimination

Posted on: September 3rd, 2020 by @peoplesbalita No Comments

Ipinakita ni Japanese tennis star Naomi Osaka ang kaniyang suporta sa mga lumalaban sa social injustice.

Sa pagsisimula ng laro sa US Open sa New York, nagsuot ito ng face mask na mayroong pangalan na Breonna Taylor, ang black woman na pinagbabaril hanggang mapatay ng mga kapulisan.

Isa lamang aniya ito sa pitong face mask na kaniyang isusuot kada laro.

Ang nasabing bilang ay siyang bilang para makuha ang Grand Slam trophy.

Sinabi nito na sa nasabing paraan ay nais niyang iparating na dapat ay mabuksan ang kamalayan ng lahat sa racial injustice.

Unang tinalo ng number 4-seeded player na si Osaka si Misaki Doi sa score na 6-2, 5-7, 6-2 sa all-Japanese matchup sa empty Arthur Ashe Stadium.

Si Osaka ay 2018 US Open at 2019 Australian Open Champion.

Malakanyang, bukas sa “Designated Survivor” bill ni Senador Lacson

Posted on: September 3rd, 2020 by @peoplesbalita No Comments

BUKAS ang Malakanyang sa panukala ni Senador Panfilo Lacson na magtalaga ng magiging successor sakali at ang apat na matataas na lider ng Philippine government ay mapahamak o mamatay dahil sa “exceptional circumstances” such as terrorist attacks.

Sinabi ni presidential spokesperson Harry Roque na ang isinampang “Designated Survivor” bill ni Senador Panfilo Lacson ay “scenario that should be addressed.”

“We have a clear line of succession all the way down to the House Speaker but what happens in fact, if similar to what happened in the TV series [where] everyone perishes,” ayon kay Sec. Roque.

“Perhaps there is definitely wisdom in the bill filed by Senator Lacson but he would now have to find a counterpart measure in the House because the author in the House has withdrawn her authorship of the bill,” dagdag na pahayag ni Sec. Roque.

Sa ulat, layon ng Designated Survivor” bill ni Senador Lacson ay upang maiwasan umano ang constitutional crisis at pagkabakante ng liderato ng bansa sakaling magkaroon ng hindi-inaasahang pangyayari gaya ng terorismo.

Sinabi ni Lacson, nagsulong ng naturang panukala, ang agarang pagsasabatas nito ay magsisilbing lunas sa limitasyon sa sinasaad ng Saligang Batas tungkol sa pagpasa ng liderato ng bansa o line of succession bunga ng mga hindi-inaasahang pangyayari.

Umaasa si Lacson na magsasagawa na ang Senate Committee on Constitutional Amendments and Revision of Codes and Law ng pagdinig kaugnay sa Senate Bill No. 982 na inihain nito noong Agosto ng nagdaang taon.

Nakahanda naman aniya siyang i-isponsor at idepensa ang naturang panukala sa Senate floor.

Sa ilalim ng 1987 Constitution, sakop ng line of presidential succession ang Pangalawang Pangulo, Senate President at House Speaker.

Ngunit kung may nangyari sa tatlo na maaring magresulta para hindi nila lahat magampanan ang mga responsibilidad bilang lider ng bansa, wala nang natukoy sa Saligang Batas kung sino ang susunod.

Ayon kay Lacson, ang mga ito ay nangangahulugan na nasa Saligang Batas din ang pagkakaroon ng “Designated Survivor” na lider ng bansa.

Samantala, binawi ni Quezon City 2nd District Rep. Precious Hipolito-Castelo ang kanyang hinaing “Designated Successor” bill o House Bill No. 4062. Dito, mabibigyan ng kapangyarihan ang Pangulo na makapili ng ipapalit sa kanya, sakaling may hindi inaasahang pangyayari sa kanyang mga successor na Bise Presidente, Senate President at House Speaker. (Daris Jose)

Ads September 3, 2020

Posted on: September 3rd, 2020 by @peoplesbalita No Comments

Duque hindi sang-ayon na makasuhan sa PhilHealth mess: ‘I intend to clear my name’

Posted on: September 3rd, 2020 by @peoplesbalita No Comments

Dismayado si Health Sec. Francisco Duque III sa pagkakasali niya sa mga pinakakasuhan ng Senado kaugnay ng kontrobersya ukol sa umano’y korupsyon sa loob ng Philippine Health Insurance Corporation (PhilHealth).

“I just finished a series of meetings and was only informed of the sponsorship speech of Senate President Sotto on the findings of the Committee of the Whole on PhilHealth just now.”

Si Duque ang chairman ng PhilHealth board, pero ayon sa kanya, non-voting ang kanyang posisyon sa state-health insurance. Ibig sabihin, hindi ikinokonsidera ang boto niya sa mga deliberasyon ng board.

“As a non-voting Chairman under Universal Healthcare Law, it is unfortunate that I was impleaded in the alleged IRM irregularities when I was not even present during the deliberation nor did I sign the Board Resolution.”

Binigyang diin ng kalihim ang pakikipagtulungan niya sa mga mambabatas na nag-iimbestiga sa issue.

“This is not the best time for the Executive to have a difference with the Legislative branch, but two weeks ago I went to the Senate to shed light on the issues based on my personal knowledge.”

Kabilang ang Health secretary sa mga inirerekomenda ng mga Senador na kasuhan dahil sa nadiskubreng korupsyon sa loob ng ahensya. Kasama niyang pinakakasuhan ang mga nag-resign na sina PhilHealth president and CEO retired B/Gen. Ricardo Morales Jr., at executive vice president Arnel de Jesus.

Pati na ang mga senior vice president’s na sina Renato Limsiaco (for fund management sector), Israel Francis Pargas (for health financial policy sector), at iba pang dawit sa sinasabing iligal na implementasyon ng interim reimbursement mechanism (IRM).

Sa kabila nito, nangako ng pakikipagtulungan sa imbestigasyon si Duque.

“As I have previously stated, I will cooperate with my any inquiry on the matter by the concerned government agencies. Certainly, I intend to clear my name.” (Daris Jose)

Pacers, patuloy ang paghahanap ng bagong coach

Posted on: September 3rd, 2020 by @peoplesbalita No Comments

Patuloy pa rin ang paghahanap ng Indiana Pacers ng head coach.

Ito ay matapos ang isang linggong pagsibak kay Nate McMillan bilang head coach ng koponan matapos ang pagkabigo nila sa NBA playoffs.

Sinabi ni Pacers team president Kevin Pritchard, na ang katangian ng coach na kanilang hinahanap ay yung kayang dalhin ang koponan sa kampeonato.

Wala rin aniya itong masamang masasabi kay McMillan dahil nakamit nila ang pang-apat na best-record sa Eastern Conference at kanila itong ipinagmamalaki peo kailangan din aniya nilang magtagumpay sa playoffs.

Ilan sa mga kwalipikasyon na hinahanap nito sa isang head coach ay dapat maintindihan ang bagong kultura ng koponan ganun din ang pakikipag-communicate sa digital world.

NLEX pinalawig pa ang kontrata nina Alas at Ravena

Posted on: September 3rd, 2020 by @peoplesbalita No Comments

Pinalawig pa ng NLEX Road Warriors ng tatlong taon ang kontrata nina Kiefer Ravena at Kevin Alas.

Sa kaniyang social media, ipinarating ng NLEX star guard ang kaniyang labis na kasiyahan at pasasalamat sa koponan.

Tiniyak nito sa koponan na kaniyang gagawin ang makakakaya para mangibabaw ang kanilang koponan.

Taong 2017 ng maging second overall draft ang 26-anyos na si Ravena.

Pinatawan siya ng 18 buwang ban ng FIBA dahil umano sa paggamit ng pinagbabawal na substances.

Nakabalik naman mula sa ikalawang ACL injury si Alas kung saan itinuturing siyang magaling na guards sa liga bago pa man ito ma-injury.

Pinasalamatan ni Alas ang koponan lalo na sa mga opisyal ng NLEX dahil sa pagtitiwala.

Budget para sa pasuweldo at iba pang benepisyo ng mga government workers sa susunod na taon, sapat –DBM

Posted on: September 3rd, 2020 by @peoplesbalita No Comments

SAPAT ang pondo ng Department of Budget and Management sa mga kawani ng pamahalaan na may budget ang pamahalaan para pondohan ang pasuweldo para sa kanila sa 2021.

Ayon kay DBM Secretary Wendel Avisado, umasa ang mga government workers na sa kabila ng mahirap na sitwasyon ngayon na hindi pa gayung kalakas ang koleksiyon ng gobyerno ay sapat naman ang inilagay na miscellaneous services and benefit fund para sa mga empleyado ng pamahalaan.

Aniya, walang matatanggal na kawani ng gobyerno at walang retrenchment na magaganap.

Wala rin aniyang dapat na alalahanin ang mga government workers gayung sapat aniya ang pondo na kanilang inilagay para sa sahod ng lahat ng mga kawani ng pamahalaan.

Sa katunayan, inihayag ni Avisado na maaari pa ngang makapag- hire ang isang ahensiya ng pamahalan ng mga contractual employees. (Daris Jose)

Pagbawi sa Overseas Deployment Ban, malabo-Malakanyang

Posted on: September 3rd, 2020 by @peoplesbalita No Comments

TINIYAK ng Malakanyang na hindi babawiin o ili-lift ng Pilipinas ang overseas deployment ban sa mga healthcare workers sa hinaharap dahil sa COVID-19 pandemic.

Ayon kay presidential spokesperson Harry Roque, ang deployment ban ay mananatili sa kabila ng pagsalungat ni Foreign Affairs Secretary Teodoro Locsin Jr., na nakipagtalo na ang pagbabawal sa mga doktor, nurse at iba pang medical professionals mula sa pagta-trabaho sa ibang bansa ay unconstitutional.

Sinabi pa ni Sec. Roque na ipinatupad ni Pangulong Rodrigo Roa Duterte ang deployment ban para protektahan ang kalusugan at buhay ng mga Filipino healthcare workers at paigtingin ang medical manpower ng bansa sa gitna ng pandemiya.

“Napag-usapan po ‘yan sa IATF [ Inter-Agency Task Force for the Management of Emerging Infectious Diseases] and we all concurred with the opinion of the President except for Secretary Locsin,” ayon kay Sec. Roque.

“The President encourages free thought even among Cabinet secretaries especially on matters that do not fall within their primary jurisdiction,” dagdag na pahayag ni Sec. Roque.

At nang tanungin kung darating ang panahon na ili-lift ng bansa ang travel restrictions sa medical professionals ay sinabi ni Sec. Roque : “Wala po siguro.”

Noong nakaraang linggo, hinikayat ni Sec. Roque ang mga health workers na gumawa muna ng karanasan sa bansa sa pamamagitan ng paga-apply para sa posisyon sa ilalim ng COVID-19 emergency hiring program ng pamahalaan.

“And by equipping/acquiring themselves with the skills and competence their profession entails, they have not only helped our people during this time of global health emergency crisis, but they, too, would have been provided the work experience that would open doors for opportunities for overseas employment,” ang pahayag ni Sec. Roque.

Tanging ang mga healthcare employees na mayroong government-issued overseas employment certificates (OEC) at verified work contracts ‘as of March 8, 2020’ ay exempted mula sa pansamantalang deployment ban sa medical at allied health workers.

Exempted din sa ban ang mga nagbabakasyon lamang na health workers na may existing job contracts sa ibang bansa. (Daris Jose)