- November 22, 2024
-
Search in People's Balita
Ang Diyaryong Pinagkakatiwalaan
Archive for October 15th, 2020
ANGELICA, desidido at willing talaga na iwanan ang kasikatan
IKINABIGLA ng co-hosts ni Angelica Panganiban na sina Kean Cipriano at Via Antonio sa digital show na #AskAngelica sa kanyang rebelasyon sa episode 3 na kung saan guest si Glaiza De Castro.
Iiwanan na pala ni Angelica ang kasikatan niya o showbiz career kapag natagpuan na niya ang lalaking makakasama niya sa habambuhay.
Ang episode title ng Ask Angelica para sa week 3, ‘United Colors of Pagmamahalan | Angelica Panganiban | ‘Ask Angelica.’ Love knows no boundaries kaya #UnitedColorsOfPagmamahalan.
Tungkol sa pagkakaroon ng asawa o partner na Afam o foreigner ang topic ng week 3 at dahil may boyfriend na foreigner si Glaiza kaya siya ang napiling guest bukod pa sa super close pala ang Kapamilya star sa Kapuso artist.
Sino ang dapat masunod in settling down kung saan bansa, ang foreigner husband o ang Filipina wife?
Natanong si Glaiza dahil taga- Ireland ang boyfriend niya.
“Nu’ng sinabi na sa akin ‘yan ni David (Rainey), sa ngayon ha, hindi ko alam kung magbabago parang hindi ko kaya. Hindi ko kayang iwan ‘yung bahay ko dito. Pero ang maganda nito, ang sabi kasi ni David, mas gusto niya dito kung sakali lang amapag-uusapan naman ‘yung future, eh, mas gusto niya dito,” sagot ni Glaiza.
At dito natanong si Angelica na kung sakaling may makita siyang lalaking sa tingin niya ay si Mr. Right, iiwanan ba niya ang lahat.
Pagkalipas ng 5 seconds ang sagot ni Angge, “Oo!”
“Ohh” tanging sabi ni Kean.
Tumawa naman ng todo si Via, “Oh My God! All caps pa ‘yung OO. Stable ang face ni Ms Angge, confident! Strong woman, ganu’n.”
“Hanep iba na ‘yan ah. First time kong nakita sa’yo ‘yan Amiga (tawagan nila),” masayang sabi ni Glaiza.
Hirit ni Kean, “kahit ano mars, ‘yung career mo, e, nandito?”
“Yes! Wala akong… I don’t care. Kung anuman ‘yung status ng career ko kasi nagtrabaho na ako for 28 years sa ABS-CBN. So, feeling ko pag dumating siya (future husband or boyfriend) hindi naman na siguro ako nagdadamot na ano, di ba? Maiintindihan naman ako ng kumpanya.
“I’ve been longing na magkaroon ako ng sarili kong pamilya so pag nangyari give- up lahat automatically, drop lahat,” rebelasyon ng aktres.
Sabi naman ni Glaiza, “ganu’n ka talagang klaseng tao, eh kapag nagmahal ka talaga.”
Dagdag ni Angge, “at saka ang pinag-uusapan natin dito, ito na, eh dito ka na, pakakasalan mon a siya, ano (asawa) mon a siya. Ako naman eversince na kapag nagka-pamilya ako, pack-up sorry!”
Say ni Glaiza, “bisitahin mo na lang kami rito o kami ang bibisita sa ‘yo.
“Ganu’n na nga,” sagot ni Angelica.
Say naman ni Kean, “online na lang tayo tutal may #AskAngge naman tayo.”
“Oo nga, sa susunod nating #AskAngge may bitbit na akong anak dito, nagpapa-suso na ako, wow,” tumawang sabi pa ng aktres/host. (REGGEE BONOAN)
Bakbakan sa Speakership sa Kongreso: tapos na ang boksing-Sec. Roque
TAPOS na ang boksing!
Ito ang sinabi ni Presidential spokesperson Harry Roque sa usapin ng Speakership sa Mababang Kapulungan ng Kongreso.
Kaya kaagad na nagpaabot ng pagbati ang Malakanyang hinggil sa bagong lider ng Mababang Kapulungan ng Kongreso sa katauhan ni bagong House Speaker Lord Allan Velasco.
Sinabi ni Presidential spokes- person Harry Roque na kinikilala ng Malakanyang ang liderato ni Velasco bilang bagong Speaker of the House.
Kasabay ng pagpapahatid ng congratulations o pagbati ay ang paninindigan ni Sec. Roque na ang paghahalal ng Speaker ay resulta ng desisyon ng mga kongresista.
Dahil dito, umaasa ang Malakanyang na s maaaprubahan sa 3rd at final reading ang 2021 proposed national budget sa Kamara mula ngayon hanggang Biyernes.
Samantala, ang mensahe ng Malakanyang sa bagong House leadership ay “good luck” habang moot and academic na din ani Sec. Roque ang banta ni Congressman Cayetano at mga kaalyado nito na hindi nila kikilalanin ang pagkakaluklok ni Velasco.
May ratipikasyon na aniyang ginawa ang mga Congressmen at ito ay bunga na rin ng tinatawag Internal intervention. (Daris Jose)
Mga negosyo pautangin para makabayad ng 13th month pay
UPANG hindi naman mag-Paskong tuyo ang pamil-ya ng mga empleyado, iminungkahi ni 2ndDistrict Albay Rep. Joey Salceda sa pamahalaan na pautangin ang mga kumpanyang pinadapa ng COVID- 19 pandemic upang maibigay ang inaasahang 13th month pay.
Ito’y sa gitna na rin ng pahayag ng maraming mga kumpanya na mahihirapan silang maibigay ang 13th month pay ng kanilang mga empleyado dahil bago pa lamang silang bumabawi matapos ang malaking pagkalugi ng kanilang mga negosyo.
Sinabi ni Salceda na sa pamamagitan ng pautang na mababang tubo at higit na mahabang panahon ng pagbabayad ay hindi mabubulilyaso ang 13th month pay ng mga empleyado lalo na at tradisyon na itong matanggap kaugnay ng pagdiriwang ng Pasko.
Ang panukala ni Salceda ay nakapaloob sa ‘aide memoire’ na isinumite niya sa pamunuan ng Kamara, matapos mapabalitang pinag- aaralan na ngayon ng Department of Labor (DOLE) na hayaan ang ilang kumpanya na huwag magbayad ng naturang obligasyong sa mga manggagawa.
“Hindi kami naniniwalang makakabuti ito sa ekonomiya. Kahit ikinakatwiran ng DOLE na hinahayaan ito sa ‘implementing rules and regulations’ ng PD 851, naniniwala kaming lilikha ito ng kontrobersiyang legal at ‘constitutional’ dahil taliwas ito sa isinasaad ng batas,” katwiran ni Salceda.
Pagdanganan may natanggap P4M gantimpala
NAWALA sa porma si Bianca Pagdangan nang makahampas lang ng 3-over 73 para sa even 280, upang mapabilang sa four-way tie para sa ninth place na may $84,765 cash prize (P4M) bawat isa at magkapuwesto sa 75th U.S. Women’s Open 2020 sa Houston, Texas sa darating na Disyembre 10-13.
Sa pagrolyo ito nitong Linggo (Lunes na oras sa Maynila) ng 58th KPMG Women’s Professional Golf Association (PGA) Championship 2020 sa Aronimink Golf Club sa Newtown Square, Pennsylvania na pinamayagpagan ni Sei Young Kim (63-266) sa 1-2 pagtatapos ng South Koreans.
Pero isang matinding finish pa rin ito para 22-year-old Pinay rookie sa una niyang majors sa world’s premier circuit (US Ladies Professional Golf Association) dahil sa pambihirang 65-65 sa ikalawa’t- ikatlong tapos maka-77 sa opener.
Ang isa pang pambato ng Pilipinas na si Dottie Ardina nahanay naman sa three-way tie para sa 118th slot at mapabilang sa 55 na sumablay sa cut makaraan ng secong round. (REC)
2 binata timbog sa marijuana
KALABOSO ang dalawang binata matapos makuhanan ng marijuana makaraang masita ng mga pulis na nagpapatupad ng city ordinance sa Lungsod ng Navotas.
Kinilala ni Navotas Police Sub-Station 3 Chief P/Capt. Cyril Lawrence Tubongbanua ang naarestong mga suspek na si Rodelson Roxas, 21 ng Longos, Malabon at Raymart Senolos, 21 ng Dagat-Dagata, Navotas.
Sa report ni SDEU investigator PCpl Jaycito Ferrer kay Navotas Police Chief Col. Rolando Balasabas, alas-4:45 ng madaling araw, nagpapatupad ng city ordinance ang mga tauhan ng Navotas Police Sub- Station 3 sa pamumuno ni P/Capt. Tubongbanua sa Lapu-Lapu Bridge, Brgy. Bangkulasi, Navotas city nang mapansin nila ang mga suspek na gumagala sa lugar na malinaw na paglabag sa curfew.
Nang sitahin, nakumpiska nina PCpl Regie Alilano at PCpl Paul Albert Awayang sa mga suspek ang 22 plastic sachets na naglalaman ng aabot sa 72 gramo ng hinihinalang pinatuyong dahon ng marijuana na tinatayang nasa P8,640 ang halaga kaya’t inaresto ang dalawa.
Pinuri ni NPD Director P/Brig. Gen. Ronaldo Ylagan ang Navotas Police SS-3 sa pamumuno ni P/ Capt. Tubongbanua sa ilalim ng pangangasiwa ni Col. Balasabas sa dahil sa matagumpay na pagkakaaresto sa mga suspek. (Richard Mesa)
One seat apart rule sa mga pampublikong sasakyan, hindi pa maaaring ipatupad until further notice- Malakanyang
HINDI pa maaaring ipatupad ang napagkasunduan ng mga cabinet members na one seat apart rule sa mga public transport.
Sinabi ni Presidential spokesperson Harry Roque, kailangan pa munang mailathala sa official gazette ang napagkasunduan ng mga miyembro ng gabinete na isang upuang pagitang distansiya ng mga One seat apart rule sa mga pampublikong sasakyan, hindi pa maaaring ipatupad until further notice- Malakanyang pasahero sa mga pampublikong transportasyon.
Aniya, doon pa lamang magte- take effect ang ruling para sa one seat arrangement para sa mga commuters.
“Unang-una, it will be effective upon publication po in the Official Gazette. Hindi na po kinakailangan ng IATF meeting iyan kasi it was a full Cabinet meeting,” ayon kay Sec. Roque.
Maliban sa publication ay kailangan pa rin aniyang bumalangkas ng kaukulang guidelines na nasa responsibilidad ng Land Transportation Franchising and Regulatory Board (LTFRB).
Kaugnay nitoy hindi na nangangailangan pang maglabas ng Inter-Agency Task Force (IATF) resolution ayon kay Roque gayung ang hakbang ay isang concensus na napagtibay na sa cabinet meeting. (Bishop Jesus “Jemba” M. Basco)
Pdu30, sobrang kumpiyansa na maipapasa ang 2021 national budget sa tamang oras
“VERY optimistic” si Pangulong Rodrigo Roa Duterte na maipapasa sa tamang oras ang panukalang 2021 national budget matapos na ang mga miyembro ng Mababang Kapulungan ng Kongreso ay pinal na naresolba ang bangayan sa speakership.
Ang pahayag na ito ni Presi- dential spokesperson Harry Roque ay matapos na palitan ni Marinduque Representative Lord Allan Velasco si Taguig City Representative Alan Peter bilang House Speaker sa pamamagitan ng plenary vote, araw ng Martes.
“Now, the President is very optimistic na maipapasa po ‘yan kasi naisantabi na po ‘yung pulitika and they can now concentrate on passing the budget in the House,” ayon kay Sec. Roque.
Sa kabilang dako, pinasalamatan naman ni Sec. Roque ang mga mambabatas sa pagsunod sa naging panawagan ni Pangulong Duterte na isantabi ang politika at ituon ang pansin sa pagpapasa sa 2021 budget, kung saan naglalaman ng pondo para sa COVID-19 response at recovery efforts.
“I think the message was received by everyone that the President really needed the early passage of the proposed 2021 budget. Kung hindi po siguro dahil dito ay lalo pang napahaba iyong agawan sa puwesto,” anito.
“Pero the President, I think, made it very, very clear that at the time of COVID, hindi pupuwedeng maantala iyong budget niya para maging kasagutan dito sa pandemyang ito. And we thank the House of Representatives for that,” dagdag na pahayag ni Sec. Roque.
Samantala, winelcome naman ni Budget Secretary Wendel Avisado ang naging kaganapan sa Kongreso.
“Kami po ay natutuwa at nagagalak na naresolba na po iyang leadership issue dahil nga po kagabi napag-usapan namin, eh we cannot afford a re-enacted budget at this time, lalo’t higit na patuloy nating kinakaharap ang pandemya,” aniya pa rin.
Nauna rito, nanawagan si Pangulong Duterte para sa special session ng Kongreso mula Oktubre 13 hanggang 16 para matiyak na nasa tamang oras ang pagpapasa ng budget bill. (Daris Jose)
Zero active COVID cases target ng Navotas
INIHAYAG ni Mayor Toby Tiangco na zero active COVID-19 cases ang hangad niyang makamit para sa kanyang nasasakupan.
Kaya’t muling hinikayat ni Tiangco ang mga residente at manggagawa sa lungsod na makilahok sa libreng community testing ng lungsod para sa COVID-19.
Ngayong Oktubre maliban sa huling araw ng buwan ay nagtakda ang City Health Office ng swab testing tuwing Sabado para mabigyan ng pagkakataon ang mga hindi makaalis sa kanilang mga hanapbuhay kapag may pasok.
“Habang may kaso ng COVID-19 sa lungsod, dapat tayong manatiling maingat. Ang mabilis na pagbaba ng ating posi- tivity matapos an gating inisyatibong agarang ‘test, trace, treat and isolate’ ng mga pasyente ay nagpapakita na tayo ay nasa tamang landas,” ani Tiangco.
Mula 23% noong Hulyo, sumadsad ang positivity rate ng lungsod sa 7% sa pagtatapos ng Setyembre.
“Naging epektibo ang ating estratehiya. Kailangan natin itong ipagpatuloy para makamit natin ang zero cases sa lalong madaling panahon,” dagdag ng alkalde.
Hanggang Oktubre 5 ay 34,003 tests na ang naisagawa ng Navotas City o 12.7% ng populasyon nito.
Sa mga nais magpa-test, makipag- ugnay sa kanilang mga barangay. Sa mga establisimiyento na gustong ipa-test ang kanilang mga empleyado, tumawag sa Business Permits and Licensing Office sa mga numerong (0921) 376 2006 and (0921) 890 7520. (Richard Mesa)
’HAYOP KA! THE NIMFA DIMAANO STORY’ LAUNCHES OFFICIAL TRAILER
NETFLIX has released the official trailer for the animated feature “Hayop Ka! The Nimfa Dimaano Story.”
Watch the official trailer below:
https://www.youtube.com/watch?v=k2EDRB7U6_I&feature=emb_logo
About Hayop Ka! The Nimfa Dimaano Story:
Nimfa Dimaano (Angelica Panganiban), the pretty pussycat is a perfume sales kitty at a department store. Her boy- friend, Roger (Robin Padilla), the macho mongrel is a janitor. Nimfa meets Iñigo Villanueva (Sam Milby) the bourgeoisie business dog and their chemistry ignites.
Will Nimfa and Roger’s love for DVDs and cheap street food keep them together or will Iñigo’s high society charms tear them apart?
Additional voice cast include Empoy Marquez, Piolo Pascual, Arci Muñoz, Eugene Domingo, Yeng Constantino, Moira dela Torre and Bb. Joyce Bernal.
Animated and produced by Rocketsheep Studio and Spring Films – Erickson Raymundo, Piolo Pascual, Bb. Joyce Bernal, E Del Mundo, Avid Liongoren and Manny Angeles.
Hayop Ka! The Nimfa Dimaano Story is slated to premiere on October 29 only on Netflix. (ROHN ROMULO)