NA–EXCITE agad ang netizens nang biglang maglabas ang GMA Network ng official “Voltes V(Five) Legacy” teaser. 

Post pa nila sa GMA Facebook: #VoltesVLegacy: Brace yourselves for the Boazanian invasion and LET’S VOLT IN!

Tatahi-tahimik lamang si Director Mark Reyes sa pinakamalaking project na mapapanood ngayong 2021 sa Kapuso Network pero nakagawa na pala siya ng teaser nito.

Noon kasing tinanong siya kung sinu-sino among the Kapuso stars ang bubuo sa cast ng Voltes V Legacy, matipid lamang niyang sagot ay “nagpapa-audition pa kami” although ipinakikita na niya ang preparations na ginagawa niya at ng kanyang team.

Kaya ready na ba kayo? Wait na lamang tayo ng susunod na announcement ng GMA Network kung kailan talaga mapapanood ang Voltes V Legacy at kung sinu-sino ang bubuo sa cast nito.

***

TAPOS na ang lock-in taping ni Mylene Dizon at cast ng Bilangin ang Bituin sa Langit sa isang resort-hotel sa San Mateo, Rizal, naikuwento niya sa isang interview na may advantage at disadvantage din naman ang ganitong procedure sa pagti-taping.

     “Ang advantage sa akin, hindi na ako bibiyahe every other day mula sa bahay ko sa Silang, Cavite to the location” sabi ni Mylene.

“Since araw-araw ang taping namin nina Ate Guy (Nora Aunor), Kyline Alcantara, Zoren Legaspi, Ina Feleo, Yasser Marta, at si Direk Laurice Guillen, lagi kaming in character at nasusundan namin ang story. 

“Naging mas closer din kami at parang nakakuha ako ng isang bagong pamilya sa kanila.                

“Iyon nga lamang, ilang araw kang malayo sa pamilya mo,  tulad ko na-miss ko ang dalawa kong anak, sina Tom at Lucas at ang partner ko (Jason Webb). 

“Nang matapos na ang taping namin at nakabalik na ako sa bahay, hindi ko pa rin mayakap ang pamilya ko, dahil kailangan ko munang mag-quarantine bilang pagsunod sa health protocols.    “Pero okey din naman dahil bago ang lock-in taping, lahat naman tayo ay nag-enjoy makasama ang pamilya natin dahil lockdown tayo, wala tayong trabaho at walang classes ang mga anak ko, sama-sama kami sa bahay, naipagluto ko sila ng pagkain, na dati hindi ko nagagawa dahil nga I’m working.”                      Kasalukuyan nang napapanood araw-araw sa GMA-7 ang mga fresh episodes ng Bilangin ang Bituin sa Langit, 4:15PM after Prima Donnas.

***

NAG-TRENDING sa social media  ang pagdi-display ni Kapuso actress Andrea Torres ng kanyang toned abs sa kanyang Instagram last January 13.

Isang sun emoji lamang ang caption ni Andrea sa photo pero hindi napigilang mag-comment ang mga followers niya.

Nagagawa naman ni Andrea na ikondisyon ang sarili niya, kahit naka-lock-in taping sila ng cast ng Legal Wives, kasama sina Dennis Trillo, Alice Dixson, at Bianca Umali  na very soon ay mapapanood na rin sa GMA Telebabad.

Mas may oras kasi siya kung hindi siya kasamang kinukunan sa eksena. (Nora V. Calderon)

IBINAHAGI ni Charlene Gonzalez – Muhlach ang latest update sa kanilang twins ni Aga Muhlach na sina Andres at Atasha.

Kasama ang mga stolen photos ni Andres na hinangaan ng netizens dahil totoo namang nakapaka-guwapo nito, na pwedeng maging next matinee idol kung papasukin niya ang showbiz industry.

Caption ni Charlene, “flooding my feed with andres, @aagupy…

“The day has come were you are starting a new chapter in your life as you head out to college. As a mom, you imagine & know that someday, that day will come but you always think it’s too far away for it to be a reality.
Have the best time of your life in Spain & continue to make lasting memories, that you will cherish forever..
“All these pictures I have taken of him are all stolen shots from our last beach trip. I could not resist.
See you in a couple of months (may), my son.. love you very much.
“As for Atasha. She currently is studying online in a UK university but due to the current lockdown in the UK. She will continue to study online this semester and Atasha will will be on campus the following school year in the UK.
“Ang hirap mag-let go for any mom but going off to college will be a wonderful experience for all children. As parents, we provided them wings, but now it’s their turn to fly…
“We love you so much #mymommyheart.”

Marami rin ang humanga sa pagpapalaki nina Aga at Charlene sa kanilang mga anak, at kahit saan bansa sila mag-aral ay pupuwede dahil kayang-kaya nila, dahil nakapag-ipon nang husto si Aga, na para raw male counterpart ni Sharon Cuneta sa yaman.

Anyway, may nagtataka rin kung bakit sa Spain napili ng mag-aral si Andres na mataas ang kaso ng COVID-19, kung pupuwede naman naman sa Harvard o ibang Ivy League universities sa Amerika o maging sa UK.

Narito ang ilang comment at papuri ng netizens:

“Maganda/pogi + mabait + smart. You raised them well, Charlene. Give credits to yourself as well.

“Andres is even more gwapo than his dad. Matangkad at sporty pa. He looks like a young Ilac Diaz.

“I would understand if Andres will study in Germany or UK, but Spain??? Por que Espanya? Ano meron dun? Kung ako papiliin aral ako sa Berlin.

“Most probably Andres really wanted to study abroad esp. in the U.S., UK and other top universities just like his friends/schoolmates but there are credentials constraints. Guys, let us not be fooled by these celebrities fame, beauty and status. They too have problems with their own children that they cannot and will never share in social media. Dont believe everything they say. Most of the time they’re sugarcoating.

“It will be a very good experience for them. Sana all may means to send their children abroad.

“I hope they dont end up exxageratingly liberated after staying abroad for years.

“Di naman sa bashing ha pero notice ko mga artista nq pinapaaral anak abroad..after makatapos pinapasok sa showbiz.yung mga course na kinukuha minsan di magagamit.

“I hope these two eventually work abroad and don’t dabble with showbiz. Ok na yung mag model for commercials. Notice how KC lost her appeal when she tried to fit in. Nawala yung quiet mystery and people got disappointed.

“Bakit sa Spain? Maganda ba education dun? Sana sa Harvard na lang para schoolmate kami. chos!

“Delikado sa Spain ngayon,ang daming may covid. Sana pinagpaliban nalang muna.

“They are giving their kids the best education their money could offer and the opportunity to explore the world outside their sheltered life here sa Pinas. Living away from home during my college years has taught me so many lessons in life. Kaya I really don’t get all the negative comments.”

***

SIMULA ngayong Monday (January 18), muling saksihan ang pagbabalik sa primetime block ng  most sensational rivalry between friends-turned-mortal enemies mula sa two different regions sa GMA Network’s well-loved TV adaptation ng GMA Network ng 1984 hit movie ng Regal Films na Anak Ni Waray Vs. Anak Ni Biday.

After nang ilang buwan na natigil sa ere dahil sa pandemya, muling mapapanood ang pagsisimula ng serye at ang much-awaited all-new episodes naman ay magsisimula sa February 8.

Anak Ni Waray Vs. Anak Ni Biday ay mula sa direksyon ni Mark Sicat dela Cruz.

Pinagbibidahan ito nina Snooky Serna, at Dina Bonnevie na gaganap na magkaibigan na sina Amy at Susie na magiging mortal na magkaaway na parehong na-in love sa character Jay Manalo na si Joaquin.

Several years passed, ang anak ni Amy na si Ginalyn (Barbie Forteza) at anak ni Sussie na si Caitlyn (Kate Valdez), na half-sisters na napagpalit nang ipanganak, and by a twist of fate, magiging mabuti ring magkaibigan tulad ng kanilang mga ina.

Pero mauulit ang pangyayari, nang parehong magkagusto ang mga anak sa isang charming city boy na si Cocoy (Migo Adecer).

Kaabang-abang ang mga susunod na pangyayari sa pamilya ng mga Biday at Waray, lalo kapag lumabas na ang katotohanan sa awayan ng mga ina ng Ginalyn at Caitlyn, at sa pagbabalik ni Joaquin sa buhay nila. (ROHN ROMULO)