2021 November 09 Archive - People's Balita

June 30, 2024
Search in People's Balita
Ang Diyaryong Pinagkakatiwalaan

Archive for November 9th, 2021

Saso humiling ng respeto sa kanyang desisyon

Posted on: November 9th, 2021 by @peoplesbalita No Comments

Humingi ng pang-unawa si Filipino-Japanese golfer Yuka Saso sa naging desisyon nitong piliing katawanin ang Japan sa mga international competitions.

Ayon kay Saso, mananatili sa kanyang puso at isipan ang dugong Pinoy dahil isa itong lehitimong Pilipina na ipinanganak sa Pilipinas ng kanyang Japanese na tatay at Pilipinang nanay.

Parehong kabisado ni Saso ang kultura ng Japan at Pilipinas na hindi nito kailanman tatalikuran.

“I am a Filipina, born in the Philippines to a Japanese father and Filipino mother. I was raised in both Japan and the Philippines. I am immensely proud of my dual heritage and that will never change,” ani Saso.

Sa ilalim ng batas sa Japan, kailangang pumili ng isang dual citizen kung anong citizenship ang gagamitin nito sa oras na tumuntong ito sa edad na 22.

Nakatakdang mag-22 si Saso sa Hunyo 20, 2023.

At matapos ang konsultasyon, nagpasya si Saso na piliin ang Japanese citizenship.

“Under Japanese law, prior to turning 22 years old, I have to choose between Japanese and Filipino citizenship. I will be turning 22 years old on 20 June 2022 and, after much thought and consultation with my family, friends and advisors, I have begun the process of acquiring Japanese citizenship,” ani Saso.

Nagpasalamat si Saso sa mga tagahanga nito sa Pilipinas at Japan sa patuloy na pagsuporta sa kanya.

Naniniwala si Saso na hindi nito maaabot ang kanyang kasalukuyang estado kung hindi dahil sa tulong ng kanyang mga supporters.

Parehong kabisado ni Saso ang kultura ng Japan at Pilipinas na hindi nito kailanman tatalikuran.

Sa ilalim ng batas sa Japan, kailangang pumili ng isang dual citizen kung anong citizenship ang gagamitin nito sa oras na tumuntong ito sa edad na 22.

Nakatakdang mag-22 si Saso sa Hunyo 20, 2023.

At matapos ang konsultasyon, nagpasya si Saso na piliin ang Japanese citizenship.

Nagpasalamat si Saso sa mga tagahanga nito sa Pilipinas at Japan sa patuloy na pagsuporta sa kanya.

Naniniwala si Saso na hindi nito maaabot ang kanyang kasalukuyang estado kung hindi dahil sa tulong ng kanyang mga supporters.

SEPS Online ng Bulacan, wagi ng Best in LGU Empowerment Award sa DGA 2021

Posted on: November 9th, 2021 by @peoplesbalita No Comments

LUNGSOD NG MALOLOS– Iniuwi ng Socio Economic Profile System (SEPS) Online ng Lalawigan ng Bulacan ang Best in LGU Empowerment Award – Best in Interoperability Award (Province Level) sa ginanap na birtwal na Digital Governance Award 2021 sa pamamagitan ng Zoom noong Oktubre 29, 2021.

Tinanggap ni Gobernador Daniel R. Fernando na kinatawan ni Panlalawigang Tagapangasiwa Antonia Constantino, kasama sina Inh. Rhea Liza Valerio, pinuno ng Provincial Information and Technology Office (PITO) at Officer-In-Charge ng Provincial Planning and Development Office (PPDO) Inh. Randy Po ang parangal mula sa Department of Information and Communications Technology (DICT), Department of the Interior and Local Government (DILG), at National ICT Confederation of the Philippines (NICP).

Ayon kay Constantino, magsisilbing inspirasyon ang parangal para sa patuloy na paglulunsad ng mga solusyon kabilang ang pagbibigay ng mas mabuting serbisyo lalo na sa mga panahon ng pagsubok, at upang maging inklusibo sa lipunan at sa ekonomiya para sa ikabubuti ng mga mamamayan.

“Digital tools and social media have empowered people to widespread access to information and global connection. We, at the Provincial Government of Bulacan, are using technology to be more transparent, accountable and inclusive,” anang Panlalawigang Tagapangasiwa.

Pinasalamatan rin niya ang PITO at PPDO at lahat ng mga kawani nito sa pangunguna para makamit ang isa na namang tagumpay ng Pamahalaang Panlalawigan ng Bulacan.

Ginawang posible ng SEPS Online para sa parehong pampubliko at pribadong mga institusyon, mananaliksik, mag-aaral, at sa publiko na ma-access ang Socio-Economic Profile ng mga lokalidad ng real time at agaran matapos lamang ang pagsasara ng taon ng SEP sa sistema, kumpara sa luma at kumbensyunal na pamamaraan na karaniwang inaabot ng isang buong taon bago maisapubliko.

Ang DGA ang taunang pagpaparangal sa mga pinakamahusay na kasanayan ng mga lokal na pamahalaan sa paggamit ng information and communications technology (ICT) upang epektibo at episyenteng maiparating ang serbisyo-publiko sa mga mamamayan at mangangalakal.

Holder ng 5, 10 years-valid na driver’s license kailangang sumailalim pa rin sa periodic medical exams – LTO

Posted on: November 9th, 2021 by @peoplesbalita No Comments

Kailangan pa rin sumailalim sa periodic medical exams ng mga holders ng driver’s license na mayroong lima o 10 taon na validity, ayon kay Land Transportation Office chief Assistant Secretary Edgar Galvante.

Paraan na rin aniya ito upang sa gayon ay matiyak na fit to drive pa rin ang mga motorista makalipas ang ilang taon nang makuha nila ang kanilang driver’s license.

Kung ang hawak na lisensya ng isang motorista ay valid sa loob ng limang taon, ang best schedule aniya para sa medical exam ay tatlong taon matapos na makakuha ng lisensya.

Para naman sa 10 taon ang validity ng driver’s license, maariing gawin aniya ang medical exam sa 3rd, 5th, at 7th year.

Iginiit ni Galvante na ang pamamaraan na ito ay para na rin sa kaligtasan hindi lamang ng mga motorista kundi maging ang kanilang mga sakay na pasahero.

Nauna nang inanunsyo ni Pangulong Rodrigo Duterte na lahat ng opisina ng LTO sa buong bansa ay magsisimula nang magbigay ng lisensya na valid sa loob ng 10 taon simula sa Disyembre. (Gene Adsuara)

Mga chikiting, puwede ng pumunta sa mga malls sa Kalakhang Maynila

Posted on: November 9th, 2021 by @peoplesbalita No Comments

PINAPAYAGAN na ang mga menor de edad at mga chikiting na pumasok sa loob ng malls sa Kalakhang Maynila matapos na ilagay sa ilalim ng COVID-19 Alert Level 2 ang NCR.

Subalit paglilinaw ni Metropolitan Manila Development Authority (MMDA) chairman Benhur Abalos na kailangang magbigay ang local government units (LGUs) ng karagdagang guidelines gaya ng at kabilang ang i-require ang mga magulang at guardians na samahan ang mga bagets sa malls.

“Personally, I believe children are allowed to go out to the malls. We have to relate it to number 1, that intrazonal and interzonal movement shall be allowed. However, reasonable restrictions can be imposed by LGUs,” ayon kay Abalos.

“If you’re going to recall before, there was a condition set by mayors that minors should always be accompanied by their parents or any guardian. I believe that still exists,” dagdag na pahayag nito.

Aniya pa, ang mga chikiting o menor de edad ay maaaring mag-dine alfresco sa loob ng restaurants, iyon nga lamang kailangan na susundin ng establisimyento ang venue capacity na itinakda ng pamahalaan sa ilalim ng Alert Level 2.

Sa ilalim ng guidelines na ipinalabas ng Inter-Agency Task Force (IATF) for the Management of Emerging Infectious Diseases, “restaurants and eateries may operate at a maximum of 50 percent indoor venue capacity for fully vaccinated individuals and those below 18 years of age, even if unvaccinated. They may also operate at 70 percent outdoor venue capacity.”

Magkagayon man, ang lahat ng mga manggagawa at empleyado ng mga establisimyento ay kailangan na fully vaccinated at sumusunod sa minimum public health standards.

Inanunsyo ng Malakanyang na isasailalim na sa Alert Level 2 ang Kalakhang Maynila, simula Nobyembre 5 hanggang Nobyembre 21. (Daris Jose)

MM mayors nagkasundo na huwag nang gawing mandatory ang face shield – Abalos

Posted on: November 9th, 2021 by @peoplesbalita No Comments

Nagkasundo na ang mga alkalde sa National Capital Region (NCR) na gawin na lamang optional ang pagsusuot ng face shields, ayon kay Metropolitan Manila Development Authority (MMDA) chairman Benhur Abalos.

Sa isang panayam, sinabi ni Abalos na sa mga ospital, health centers, at public transportation na lamang nais ng mga Metro Manila mayors gawing mandatory ang pagsusuot ng face shields.

Kaya naman iginiit ni Abalos na suportado nila ang mungkahi ni Interior and Local Government Secretary Eduardo Año na huwag nang obligahin ang mga tao sa pagsusuot ng face shields sa ilang lugar.

Ngayong araw, sinimulan na ng Manila City government ang hindi pag-oobliga sa mga papasok sa lungsod nang pagsuot ng face shield base na rin sa ilalim ng executive order na inilabas at nilagdaan ni Mayor Isko Moreno.

Nakasaad sa naturang kautusan na mananatili namang mandatory ang pagsuot ng face shield sa hospital settings, medical clinics, at iba pang medical facilities.

Tinukoy ng alkalde ang paglalagay sa Metro Manila sa ilalim ng Alert Level 2 at mga ulat na karamihan sa mga miyembro ng IATF ang nais nang ibasura ang kautusan sa pagsusuot ng face shield. (Daris Jose)

Pagluluwag sa NCR, magdadala ng maraming trabaho — BBM

Posted on: November 9th, 2021 by @peoplesbalita No Comments

Umaasa si Presidential aspirant Ferdinand “Bongbong” Marcos, Jr., na muling manunumbalik ang sigla ng ekonomiya at maglilikha ng maraming trabaho ang paglalagay ng pamahalaan sa mas maluwag na Alert Level 2 status sa Metro Manila.

Sa pahayag, sinabi ni Marcos na ito ang nauna na rin nilang panawagan na buksan na ang mga negosyo para makabawi at muling sumigla ang ekonomiya ng bansa.

“Nagpapasalamat po tayo sa pamahalaan sa mas maluwag na alert level status, dahil nakasisiguro tayo na mas marami itong make-create na trabaho at muli nang makakabawi ang ating ekonomiya,” pahayag ni Marcos.

Matatandaan na pumalo na sa 8.9 percent ang unemployment rate sa bansa nitong Setyembre 2021, at ito ang itinuturing na pinakamataas ngayong taon.

“Umaasa tayo na marami pang negosyo ang magbubukas dahil sa maluwag na alert status at mas marami ang lumalabas na tao para tangkilikin ang mga negosyo,” dagdag ni Marcos

Kasabay nito, nanawagan naman si Marcos sa publiko na tuluy-tuloy pa rin ang pagsunod sa mga health protocols sa kabila nang pagluluwag ng alert status sa bansa.

Ayon sa kanya, hindi rin dapat magpakampante ang publiko kahit na patuloy na bumababa ang mga bilang ng tinatamaan ng Covid-19.

Nanawagan din si Marcos na patuloy pang palakasin ng pamahalaan ang pagpapabakuna sa publiko dahil ito ang pinakamabisang sandata para mapuksa ang virus.

Ads November 9, 2021

Posted on: November 9th, 2021 by @peoplesbalita No Comments

PDu30, kinukunsidera ang pagtakbo sa pagka-senador sa 2022 elections

Posted on: November 9th, 2021 by @peoplesbalita No Comments

KINUMPIRMA ng Malakanyang na kinukunsidera ni Pangulong Rodrigo Roa Duterte na tumakbo sa pagka-senador sa 2022 national at local elections.

Nauna na kasing nabanggit ni Senador Christopher Lawrence “Bong” Go na kinukunsidera ni Pangulong Duterte na tumakbo sa pagka-senador para patuloy siyang (Pangulo) na makapagtrabaho para sa kapakanan ng mga mamamayang Filipino.

“As far as I know, wala pa pong final na desisyon but as Sen. Bong Go said, he is considering it,” ayon kay Presidential spokesperson Harry Roque.

“He is considering; pinag-aaralan niyang mabuti. Kung makakatulong ba sa bayan…he might. Kino-consider n’ya po ‘yung pagtakbo,” ayon naman kay Go sa isang panayam.

Tinitingnan aniya ng Pangulo ang bilang at tinitimbang ang mga dahilan bago pa siya tuluyang magdesisyon kung tatakbo nga ba o hindi sa pagka-senador.

“Siyempre tinitingnan din niya ‘yung slate ng administration ng PDP-Laban. Kung makakatulong siya na mas maraming mananalo sa part ng administration, iyon ang kino-consider,” ani Go.

Napaulat na hinikayat ng ruling party PDP-Laban Cusi wing si Pangulong Duterte na tumakbo sa pagka-senador matapos na umatras na tumakbo bilang bise-presidente sa dahilang nais na niyang magpahinga sa politika.

Sa kabilang dako, kinumpirma naman ni Go na nakatakdang magpulong ang PDP-Laban officials bago ang Nobyembre 15 para isapinal ang kanilang mga kandidato para sa eleksyon sa susunod na taon.

Giit naman ni Go na hindi na magbabago ang kanyang isip na tumakbo bilang bise-presidente.

Samantala, tiniyak naman ni Go na patuloy na magta-trabaho si Pangulong Duterte para i-promote at protektahan ang kapakanan ng mga mamamayang Filipino.

“Sa mga kababayan natin, asahan n’yo po na kung sakaling magdesisyon po ang ating Pangulo na tumakbo bilang senador, asahan n’yo po uunahin niya siyempre kung papaano siya makakatulong at makapagpatuloy na makapagserbisyo sa ating mga kababayan at paano niya maisusulong at ipagpatuloy ‘yung mga programang naumpisahan na po niya na hindi pa po natatapos… gusto niya pong tapusin,” ayon kay Go.

“Importante po sa kanya ngayon is malampasan muna natin itong pandemya, itong krisis na ating kinakaharap, at makakatawid na po tayo sa ating normal na pamumuhay,” dagdag na pahayag nito. (Daris Jose)

Navotas sasali sa pilot study ng face-to-face classes

Posted on: November 9th, 2021 by @peoplesbalita No Comments

NAGPAHAYAG ng intesyon ang Pamahalaang Lungsod ng Navotas sa pagsali nito sa pilot study ng face-to-face classes na gagawin sa November 15, 2021.

Ito’y matapos pirmahan ni Mayor Toby Tiangco ang sulat ni Dr. Al Ibañez, OIC-Assistant Schools Division Superintendent ng lungsod, bilang pagsang-ayon na sumali sa pilot study ng F2F classes.

Ayon kay Mayor Tiangco, 45 na mga senior high students ang kasali rito sakaling aprubahan ito ng Department of Education (DepEd) at Department of Health (DOH).

“Nagmeeting na rin po tayo kasama ang mga concerned offices tungkol dito. Napagkasunduan natin na dapat bakunado ang mga batang kasali sa face-to-face classes kaya bibigyan ng prayoridad sa pagbabakuna ang mga papasok sa F2F classes,” pahayag ni Tiangco.

Aniya, tandaan lamang na voluntary ang pagbabakuna at depende ito sa desisyon ng bata at ng kanyang magulang o guardian at para sa kaligtasan ng mga mag-aaral at mga guro, mga bakunado lang muna ang papayagan pumasok. (Richard Mesa)

Pagtakbo ni RICHARD bilang congressman, nakaapekto sa taping at airing ng serye nila ni HEART

Posted on: November 9th, 2021 by @peoplesbalita No Comments

DAHIL sa pagtakbo ni Richard Yap bilang congressman sa Cebu City sa May 2022 Elections, kinailangan mag-adjust ng production crew ng I Left My Heart in Sorsogon at tapusin agad ang lock-in taping.

Dapat pala ay pambungad sa taong 2022 ng GMA itong teleserye ni Heart Evangelista. Pero nagulat daw sila nang biglang mag-file ng kanyang COC si Richard kaya walang choice kundi tapusin agad ang taping para matapos na ang airing nito by March 2022 na siyang simula ng campaign period.

Kaya mauuna pa itong eere ang kesa sa The World Between Us. Pero kailangan ding matapos ang airing ng TWBU by March din dahil si Tom Rodriguez ay nag-file din ng COC para tumakbo sa Anak ng Maharlikang Pilipino party-list.

Dahil nga naman sa political ambition ng mga artista ngayon kaya taranta ang schedules ng mga lock-in tapings.

***

LEADING man na wakas si Rodjun Cruz sa teleserye na Little Princess kunsaan nakaka-partner niya si Jo Berry.

Sobrang natuwa si Rodjun dahil pinagdasal daw niyang magkaroon siya ng malaking project para ipakita niya ang kanyang kakayahan sa pag-arte bilang leading man naman.

“Hindi ma-contain ‘yung happiness ko. Very grateful ako kasi pinag-pray ko ‘yan kay Lord. Sabi ko, ‘Lord, sana po bigyan Niyo pa po ako ng pagkakataon, bigyan Niyo po ako ng show na magagawa ko po ‘yung gusto ko, na mapapakita ko po yung talento ko atmakaka-inspire ako ng madaming tao.’

“So noong tinawag nila sa akin ‘yung ‘Little Princess’, sabi ko ‘Wow, grabe ka Lord, answered prayer na naman to! Naniniwala din kasi ako na birthday gift sa akin ‘to ni Lord kasi nag-birthday ako noong October,” sey ni Rodjun na magiging kaagaw kay Jo sa naturang teleserye ay si Juancho Trivino.

Kelan lang ay nag-renew ng kanyang kontrata with GMA Artist Center si Rodjun at in full blast na rin ang nasimulan nilang sports apparel na Cruzfit.

“I’m very thankful and grateful to GMA for the opportunity and for always putting their trust in me. Nandito pa rin ako kasi mas lalo ko na-showcase ‘yung talents ko and mas madami akong natutunan sa kanila.

“Kasi sila yung nagbibigay sa akin ng iba’t-ibang roles na dito ko lang din ginawa sa GMA. Mas lumalakas ‘yung loob ko, mas nahahasa ako as an actor, at the same time, nakakapag-perform ako kasi love ko rin talaga ang mag-perform.”

***

MAY nag-leak na balita sa Page Six na si Chris Evans daw ang napiling Sexiest Man Alive ng People Magazine sa taong ito.

Balitang dapat last year pa naging Sexiest Man Evans, pero binigay muna nila ito kay Michael B. Jordan.

Naging dahilan ng pagpalit last year sa Captain America star ay dahil sa pag-viral ng kanyang “dick pic” sa social media by accident noong September 2020.

“Chris was in discussions to take the cover last year, but it was not great timing,” sey ng taga-People.

Aminado ang 40-year old actor na naging careless siya sa pag-post sa social media at ang nailagay niya ay ang photo gallery kunsaan may kuha siya ng nota niya.

“You know, things happen, it’s embarrassing, you gotta roll with the punches. I will say I have some pretty fantastic fans who really came to my support and that was really, really nice,” nasabi na lang ni Evans.

Kasalukuyang si Evans ang boses ni Buzz Lightyear sa spinoff ng Toy Story.

(RUEL J. MENDOZA)