2020 November Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November, 2020

Kathryn, pinuri ang SMC sa ginawang pag-rescue sa mga naiwang aso sa Bulacan

Posted on: November 28th, 2020 by @peoplesbalita No Comments

BILANG isang fur mom ng labing-isang aso, natuwa si Kathryn Bernardo na inaalagaan na ng San Miguel Corporation (SMC) ang mga naiwang aso sa bayan ng Bulakan, kung saan itatayo ang Manila International Airport project.

“I’m proud of the San Miguel family for taking care of the dogs that were stranded in Bulacan,” wika ni Bernardo, na maliban sa pagiging endorser ng Nutrichunks dog food at endorser rin ng Magnolia Ice Cream at San Mig Coffee Crema White.

“I’m happy that these dogs were rescued and, hopefully, will be adopted by loving homes. Thank you, San Miguel,” dagdag pa niya.

Matapos malaman ang kalagayan ng 70 aso na naiwan sa Barangay Taliptip ay nagpadala agad ang SMC ng Nutrichunks dog food para mapakain sila.

Sa tulong ng Animal Kingdom Foundation (AKF), may 53 nang aso ang na-rescue simula noong Nobyembre 16 at nailipat sa AKF shelter sa Capas, Tarlac. May natitira pang 20 aso na kailangang i-rescue sa mga susunod na araw.

Ang mga asong dinala sa AKF sa Tarlac ay gagamutin at kakapunin baka sila ihanap ng mga mag-aampon.

Nauna nang pinasalamatan ni Bernardo ang SMC, na pinamumunuan ni president at chief operating officer Ramon S. Ang sa paggawa ng paraan para magkaroon ng hanapbuhay at oportunidad sa pagnenegosyo sa Central Luzon sa pamamagitan ng Manila International Airport at Bulacan Airport City Freeport Zone.

Ayon kay Kathryn ay mahalaga ang hanapbuhay para sa maraming Pilipino dahil pandemyang dulot ng Covid-19.

Maliban sa relokasyon ng mga taga Taliptip mas mas matibay at maayos na bahay ay nagpatraining ang SMC para sa mga gustong magtrabaho sa airport sa ilalim ng livelihood and skills development program sa ilalim ng Technical Education Skills and Development Authority (TESDA). (ROHN ROMULO)

DepEd, naghahanda na para sa 2022 global learning assessment

Posted on: November 28th, 2020 by @peoplesbalita No Comments

Inanunsyo ng Department of Education (DepEd) na bumuo na sila ng technical working group para ihanda ang mga guro at estudyante na lalahok sa isang international learning assessment.

Ayon kay Education Undersecretary Nepomuceno Malaluan, lalahok ang bansa sa susunod na Programme for International Student Assessment (PISA), na gaganapin sa 2022.

Bagama’t kumpiyansa ang kagawaran na mas maganda ang ipakikita ng mga estudyante sa susunod na assessment, marami pa raw silang kailangang gawin.

“Our decision is to continue participating in PISA. Now we have the benchmark of the 2018 PISA results and we want to see whether our interventions are working,” wika ni Malaluan.

“We have created a technical working group for international large-scale assessments. These have been meeting consistently,” dagdag nito.

Kung maaalala, noong 2018 PISA ay nangulelat sa reading comprehension o pag-intindi sa binabasa ang mga Pilipinong mag-aaral mula sa 79 na bansang kumuha nito.

Bagsak din ang Pilipinas sa Mathematics at Science, na pumangalawa sa nakakuha ng pinakamababang ranggo.

Magno magpapaboksing para sa mga na-Ulysses

Posted on: November 28th, 2020 by @peoplesbalita No Comments

ILISTA na sa humahabang talaan ng mga atletang may mabubuting kalooban si Irish Magno.

Aaayuda rin ang 29-anyos na dalagang tubong Janiuay, Iloilo sa mga nakalamidad.

Si Magno ay patungong 32nd Summer Olympic Games 2020 na naurong lang sa Hulyo 23-Agosto 8, 2021 dahil sa pandemyang Covid-19.

Sa pinaskil niya Facebook account, inihayag ng boksingera ang pagdaraos ng “Boxing Class For A Cause” sa ngayong Linggo, Nobyembre 29 sa Fitstart Gym sa Janiuay, Iloilo na may P100 entrance fee.

Ang lahat aniya na maiilak mula rito’y ipagkakaloob niya upang makatulong sa mga binagyo.

“How to help Victims of Typhoon Ulysses?? Come and Join our Boxing Class! Magiging fit kana makakatulong ka pa,” panapos na sambit ng Olympian boxer.

Kabilang si Magno sa apat na Pinoy na pasok na sa quadrennial sportsfest.

Ang iba pa ay sina reigning Universiade, Asian Championships at SEA Games champion men’s pole vaulter Ernest John Obiena, 2019World gymnastics men’s floor exercises gold medalist Carlos Edriel Yulo at newly- turned pro boxer Eumir Felix Marcial. (REC)

Esteban maghahandog ng tablet sa mga estudyante

Posted on: November 28th, 2020 by @peoplesbalita No Comments

KUMAKATOK sa may mabubuting puso si national fencer Maxine Isabel Esteban na tulungan siyang makailak ng pondo para sa mga batang mag-aaral ngayong may Covid-19 pandemic pa rin

Isinalaysay ng 30^th Southeast Asian Games Philippines 2019 women’s fencing bronze medalist ang kanyang sinimulang fundraising sa kanyang kaarawan nitong Huwebes para makapagkaloob ng Android tablets sa online learning ng mga estudyante.

“Join me as I celebrate my 20th birthday! In lieu of gifts, may I ask for your donation to our fundraiser ‘A small thing goes a long way’ Phase 3,” litanya ng 2018-19 University Athletic Association of the Philippines (UAAP) Season 81 Women’s Fencing Rookie of the Year at Most Valuable Player sa kanyang Instagram post.

Hinirit pa pa ng Ateneo Queen Eagle, “Help a Filipino child continue his education through online learning. Any amount of donation will do. Donations will be used to purchase 10.1 HD Display Android tablets.”

Kamakailan lang, inasistehan din ng dalagang eskrimador ang mga medical frontliner at ilang komunidad sa bansa habang may pandemya. (REC)

NAGPANGGAP NA NAKAPANGASAWA NG FILIPINOS, 2 KOREAN NATIONAL, PINIGIL SA NAIA

Posted on: November 28th, 2020 by @peoplesbalita No Comments

NASABAT ng Bureau of Immigration (BI) sa Ninoy Aquino International Airport (NAIA) ang dalawang Korean national na tinangkang iligal na pumasok sa bansa gamit ang iang pekeng entry visas sa pagpapanggap na nakapag-asawa ng isang Filipinos.

Sa report kay Immigration Commissioner Jaime Morente ni Intelligence Division Chief Fortunato Manahan, Jr. kinilala ang dalawang Korean national na si Kim Jeongseong, 28, at Lee Seohyeon, 24, na dumating sa NAIA Terminal 1 sakay ng Aseana Airlines flight mula Incheon, South Korea.

“They both presented bogus tourist visas and marriage certificates purportedly showing that they are married to Filipino citizens,” aypn kay Manahan. “the passengers were immediately excluded and booked on the first available flight to their port of origin” dagdag pa nito. .

Ilalagay din ang dalawa sa immigration blacklist na mga undesirable aliens at hindi na muling makakapasok sa bansa.

Sa ginawang eksaminasyon sa kanilang mga dokumneto, lumalabas na peke ang mga ito at hindi rin sila pumasa sa mga pagtatanong hinggil sa kanilang mga napangasawa na mga Filipino.

“These acts of fraud and misrepresentation will not succeed because our officers in the airports are adept in detecting spurious travel documents,” ayon sa BI Chief. (GENE ADSUARA)

Ex-Pres. Arroyo, bagong Pres’l Adviser on Clark Programs and Projects – Duterte

Posted on: November 28th, 2020 by @peoplesbalita No Comments

Itinalaga ni Pangulong Rodrigo Duterte si dating Pangulong Gloria Macapagal-Arroyo bilang Presidential Adviser on Clark Programs and Projects.

Ito ang kinumpirma ni Sen. Bong Go.

Nilagdaan ni Pangulong Duterte ang appointment paper ni Arroyo noong November 25.

Inihayag ni Sen. Go, piso ang matatanggap na kompensasyon ni Arroyo kada taon.

Magugunitang pagkatapos ng termino bilang Pangulo ng bansa, nagging kongresista si Arroyo ng Pampanga. (Richard Mesa)

Resolusyon sa pagpapaliban ng implementasyon sa cashless toll payment hanggang Enero 1, 2021, pinagtibay ng komite

Posted on: November 28th, 2020 by @peoplesbalita No Comments

Pinagtibay sa isang online na pagdinig ng House Committee on Transportation ang House Resolution 1367 na humihiling Department of Transportation (DOTr) na pansamantalang ipagpaliban ang implementasyon ng cashless toll payments sa pamamagitan ng Radio Frequency Identification (RFID) System hanggang Enero 1, 2021.

Inihain ni Quezon City Rep. Precious Hipolito-Castelo ang resolusyon matapos na isulong ni DOTr Secretary Arthur Tugade ang huling araw para simulan ang pagpapairal ng cashless collection sa mga tollways mula Nobyembre 2 hanggang sa Disyembre 1 dahil sa mga panawagan ng mga motorista na hindi pa nakakapagpakabit ng RFID stickers sa kanilang mga sasakyan.

Sa kanyang sponsorship speech, sinabi ni Hipolito-Castelo na naniniwala siya na maigsi na lamang ang panahon bago ang Disyembre 1.

Ipinunto niya ang mahirap na pagpapakabit ng RFID online at on-site.

Sinabi rin ng mambabatas na may pagkakataon na nagkakaproblema rin at nagkakaroon ng technical glitches dahil may mga sensor na hindi nababasa ang RFID.

Iminungkahi ni Bulacan Rep. Gavini “Apol” Pancho na gamitin ang pinalawig na panahon mula Disyembre 1 upang magsagawa ng edukasyon at impormasyon sa mga motorista hinggil sa RFID.

“Yung pag-extend po natin ng deadline ay isabay po natin yung proper education of commuters para matulungan po sila, to include information on loading,” anang mambabatas.

Napansin ni Pancho na ilan sa mga toll payments sa RFID ay tinatanggihan. “Sira po yung system o nag-load sila (pero) di nag-antay ng tamang oras para ma activate yung load. There should be massive information of the Do’s and Don’ts of RFID. Mga gamit sa harap ng dashboard, nablo-block or deflect yung RFID sticker,” aniya. (ARA ROMERO)

MGCQ pagkatapos na lang ng holiday season

Posted on: November 28th, 2020 by @peoplesbalita No Comments

Ayaw ng mga mayors sa Metro Manila na luwagan ang community quarantine ngayong Christmas season upang maiwasan ang pagtaas ng bilang ng may COVID-19.

Ayon kay National Task Force Against COVID-19 chief implementer Secretary Carlito Galvez Jr. nag-iingat ang mga mayors at kung magluluwag man sa community ay pagkatapos na ng holidays.

“At the same time, nag-usap-usap po kami ng mga mayor, talagang very cautious po sila na magkaroon po ng MGCQ dito sa Manila. So ang recommendation po nila ay just in case magkaroon man ng easing of restriction ay maybe next year after the holidays,” ani Galvez.

Sinabi pa ni Galvez na maging si Mayor Sara Duterte ay nais manatili sa general community quarantine (GCQ) ang Davao City ngayong Disyembre.

“Ang nakita po natin, even iyong Davao City, nagpaalala po si Mayor Sara na Davao City magiging GCQ this holiday season,” ani Galvez.

Nanawagan din si Galvez kay Interior Sec. Eduardo Año na ipaalala sa mga opisyal ng mga local government units (LGUs) na nasa ilalim ng MGCQ na dapat higpitan ng kaunti ang galaw ng mga tao kung kinakailangan.

“So, iyon po ang pinapaalala po namin na even though iyong iba naka-MGCQ, we are calling the attention of the LGUs through our Secretary Año na sana medyo higpitan natin kaunti iyong ating mga restrictions sa mga unnecessary, non-essential movements,” ani Galvez.

Mahalaga aniyang sundin pa rin ang tinatawag na minimum health standards ngayong holiday season. (ARA ROMERO)

NBA legend Michael Jordan nagbigay ng $2-M donasyon para sa mga walang makain sa US

Posted on: November 28th, 2020 by @peoplesbalita No Comments

Nagbigay ng $2 million na donasyon si NBA legend Michael Jordan para mapakain ang mga mahihirap sa US.

Ayon sa relief outfit na Feeding America, na hindi nagdalawang isip ang dating Chicago Bulls star na magbigay ng nasabing halaga.

Sinabi naman ni 14-time NBA All-Star, na mahalaga ang magbigay ng tulong lalo na sa mga naapektuhan dahil sa COVID19 pandemic.

Sinasabing naging maganda ang timing ng donasyon ni Jordan dahil umaabot na sa 54 million na mga Americans ang walang makain.

Noong Abril ay nangako ang US Department of Agriculture na maglalaan ng $1.7 billion para tulungan ang mga food banks dahil sa patuloy na pagtaas ng kaso ng nagugutom.

Ads November 28, 2020

Posted on: November 28th, 2020 by @peoplesbalita No Comments