PINAG-AARALAN na ng Department of Health (DOH) kung isasama na rin ang Singapore sa travel ban dahil sa banta ng 2019 coronavirus disease o COVID-19.

Sinabi ni Health Secretary Francisco Duque III, na imakiki-pagpulong siya sa inter-agency task force at ipiprisinta niya ang risk assessment upang matukoy kung napapanahon na bang isama na rin dito ang Singapore.

“‘Yung risk assessment ipi-present ko mamaya sa inter-agency task force kung napapanahon na i-exclude natin ang Taiwan o Hong Kong. O kung dapat ba nating i-include ang Singapore,” ayon kay Duque.Pero as of press time ay na-lift na ang ban sa Taiwan ng pamahalaan.

Napaulat na mayroon ng 50 kumpirmadong kaso ng COVID-19 sa Singapore, base na rin sa datos ng World Health Organization (WHO), habang umaapela naman ang Taiwan sa pamahalaan na irekonsidera ang ipinatutupad nilang travel ban sa kanilang bansa. (Gene Adsuara)

SA mga susunod na araw ay maari ng masakyang ang dalawang bagong bagon ng Philippine National Railways (PNR).

Inaasahan din na mabibigyang serbisyo sa mga libo-libong mga mananakay na mula sa Tutuban hanggang Alabang Station.

Ayon sa PNR, nakumpleto na ang mga bagong bagon ng tren na idineploy sa PNR depot ngayong araw sa Tutuban sa Maynila.

Ang mga bagong bagon ay inangkat pa mula sa Indonesia na walong 8100 series ng diesel multiple units o DMU rail cars o bagon na binuo sa dalawang train set na may tig-apat na bagon.

Ito rin ay fully air conditioned, may mga security feature sa loob gaya ng CCTV , safety signages at iba pa.
Ang nasabing proyekto ay bahagi ng 2018 train procurement ng PNR na layong makapagserbisyo ng marami pang pasahero at madagdagan pa ang skedyul ng byahe.

Bago ito umarangkada , sasailalim muna ito sa valudation test sa loob nh uanng 150 oras na aabot sa sampung araw.
Magkakaroon naman ng libreng sakay habang isinasagawa ang validation test sa dalawang tren ayon na rin kay PNR General Manager Junn Magno. Sa kalagitnaan mg taon, inaasahan na madaragdagan pa ng dalawang DMU o tren para sa libu-libong pasahero. (Gene Adsuara)

Dismayado umano ang Estados Unidos sa naging paraan ng China tungkol sa mabilis na paglobo ng bilang ng mga taong nadapuan ng sakit na coronavirus.

Sinabi ni National Economic Council Director Larry Kudlow na inaasahan daw ng administrasyon ni US President Donald Trump ang mas transparent na impormasyong ihahatid ng Chinese government sa publiko.

Hindi rin daw nila ikinatuwa ang ginawang pagtanggi ng Beijing sa imbitasyon ng Amerika na magpadala ng grupo ng mga eksperto mula sa U.S. Centers for Disease Control and Prevention upang tumulong sa China na kontrolin ang paglaganap ng sakit.

Aniya, maraming kwestyon ang wala pang malinaw na kasagutan at hindi rin umano nila nakikitaan ng kooperasyon ang China.

Una nang sinigurado ni Chinese President Xi Jinping na handa itong makipagtulungan kay President Trump.

Gayunpaman, wala pa ring malinaw na kasagutan ang mga kwestyon na lumulutang laban sa China at hindi rin umano nakikitaan ng Amerika ng kooperasyon ang naturang bansa hinggil dito.

Una nang pinuri ng World Health Organization (WHO) ang China dahil sa naging tugon nito sa naturang outbreak kumpara noong 2002-2003 kung saan kasagsagan ito ng SARS virus epidemic .

Nagbabala ang Food and Drug Administration (FDA) sa mga kababaihan na gumagamit ng mga pampaganda ng mukha na hindi rehistrado tulad ng lipstick.

Ito’y matapos matuklasan ng FDA na may ilang brand ng lipstick sa merkado ang hindi dumaan sa tamang proseso at posibleng magdulot ng panganib sa kalusugan.

Sa ipinalabas na report ng FDA, kabilang dito ang natuklasan na hindi rehistrado ay ang monaliza series lipstick, yes now make-up moist lipstick, matte clareal bold matte lipstick 2 at 3 colors kiss tint clareal (clareal 5).

Sa isinagawang post marketing surveillance ng nasabing ahensya sa mga nabanggit na cosmetic product, napag-alaman na hindi awtorisado at walang certificate of product notification kaya’t mahigpit na pinagbabawal ang pagbebenta, pagbili at pama-mahagi ng naturang mga produkto.

Payo naman ng FDA, maging mapanuri sa mga ginagamit na produkto at maaaring i-check sa website nila na www.fda.gov.ph kung aprubado ng FDA ang ginagamit na cosmetic products. (Daris Jose)