Pumapatok ang mga negosyo ng Filipino athletes na kanilang paraan sa gitna ng Coronavirus Disease 2019 (COVID-19) pandemic.

Tulad nalang ng Philippine Basketball Association (PBA) players na sina Blackwater Elite forward Carl Bryan Cruz at ng kanyang girl friend na nagtitinda ng cleaning and disinfectant tools tulad ng alcohol, dishwashing liquid at iba pa.

Sinamantala naman ng PBA player na si Bambam Gamalinda ang pagiging fan niya ng Sinugba o mga pagkaing luto sa uling.

Ilan sa mga suki niya ay mga katulad ding basketbolistang sina Arwind Santos, Marc Pingris, Junemar Fajardo, Rome Dela Rosa, at Jio Jalalon.

Habang ang 2016 Rio Olympian na si Mary Joy Tabal ay kinagiliwan ang pagbi-bake na bumibenta rin naman.

”Now I’m staying at home while doing my at home workout and learning some baking, cooking at iba pa. I’ve been into anxiety, stress and worried but as days passed by parang na realize ko overthinking won’t help me and won’t help everyone lalo na sa family ko na magiging affected din pag hindi ako okay,’‘ ani Tabal.

Binantaan ng Philippine Basketball Association (PBA) ang mga manlalaro na sikretong nakikipag-usap at nakikipagnegosasyon sa mga foreign clubs matapos ang balitang maraming manlalaro ang target kuhanin ng Japanese B.League squads bilang Asian import.

Kahapon, pinaalalahanan ni Commissioner Willie Marcial ang mga player kaugnay na kanilang live contracts sa kani-kanilang mga PBA ballclub kaya hindi sila dapat nakikipagnegosasyon sa mga foreign team.

Binalaan din ni Marcial ang mga player sa pagpasok nito sa sikretong negosasyon sa kahit anong Japanese club lalo pa at nakakontrata pa sila sa kanilang mother team.

Pero sinabi ni Marcial na ang mga manlalarong may expired na kontrata ay pwedeng pumasok sa B.League at ibang pang liga sa Asya basta may consent ng kanilang mother teams at PBA board.

“Expired ka na, ayaw mo na sa team mo, mag-paalam ka sa team mo tapos pag-uusapan namin sa board kung okay,” ani Marcial.

Ayon kay Marcial, sa ganitong kaso, titimbangin ng board kung dapat pa bang panatiliin ng mother team ang karapatan sa manlalaro sakaling i-release ito at  ng manlalaro na  maglaro sa ibang PBA team o sa liga abroad.

Ayon sa ulat, isa ang Japanese league na potensiyal destinasyon ng mga Filipino players kungsaan may salary na aabot sa 16.1 million yen o P7.4 million para sa 2018-19 season.

Mula nang pumirma sa Japanese league si amateur Thirdy Ravena,  napabalitang sinimulan na rin ng Japanese league ang paghahanap ng Asian imports at isa ang mga  PBA player sa kanilang tinatarget.

Ayon sa ulat,  maging ang suspendidong Phoenix forward na si Calvin Abueva ay tinatarget ng Japanese league.

Isiniwalat ni Marcial na wala pa silang nababalitaan o natatanggap na opisyal report mula sa offer kay Abueva o kahit sinong PBA player o maging sa offer na ibinigay kay Terrence Romeo ng San Miguel Beer.

Matatandaang nag-post si Abueva sa kanyang Instagram account ng offer sa kanya ng mga interested na foreign B.League team.

Pero sinabi ni Phoenix coach Louie Alas na ayon kay  Abueva ay mas gusto nitong maglaro sa PBA.

Inamin din ni  Raymond Almazan ng Meralco  na tumanggap siya ng direktang mensahe kay Japanese American-Japanese guard Samuel Sawaji ng Tokyo Cinq Rêves noong isang buwan pero magalang umano niya itong tinanggihan.

Hindi pa rin umano sigurado ng Los Angeles Lakers kung maglalaro ba sa pagbabalik ng season si big man Dwight Howard.

Una nang naghayag ng kanyang pagkabahala si Howard dahil sa napipintong NBA restart, pero hindi pa raw nito inaabisuhan ang kanyang team tungkol sa kanyang magiging plano.

Sa kalagitnaan ng isyu sa pagpatay sa Black American na si George Floyd, sinabi ni Howard na posibleng hindi raw ito maglaro sa pagbubukas muli ng season para makatulong sa mga hakbang upang tugunan ang racial inequality.

Noong Marso naman nang pumanaw ang ina ng anak ni Howard na si Melissa Rios sa California, bunsod ng seizure matapos ang paglaban nito sa epilepsy.

Pero ayon kay Lakers general manager Rob Pelinka, patuloy naman daw ang kanilang komunikasyon ni Howard at sa kanyang agent.

Suportado rin aniya nila ang tinaguriang “Superman” kung anuman ang magiging pasya nito.

“As you guys know, there was an opt-out date that Dwight did not give notice that he was opting out, so we are going to continue to work through those extenuating circumstances with Dwight, support him, support his six-year-old son, and hope for the best that he would be a part of our roster in Orlando. But that will be a continued process,” wika ni Pelinka.

Matatandaang una nang nagsabi ang isa pang player na si Avery Bradley na hindi ito maglalaro sa NBA restart, kaya todo ang paghahanap ngayon ng Lakers ng papalit sa kanya.

Lalong dumami ang humanga sa higanteng si Kai Sotto sa ipinakita nitong mataas na vertical leap na 11.5” o lundag na halos 12 feet.

Lalong pinataas ng 18-year-old Sotto ang kanyang kalidad bilang manlalaro  matapos ibalandra sa social media ang ipinagmamalaking mataas na lundag.

Sa video na ipinost nito sa Instagram, makikitang bumwelo si Sotto bago lumundag ng may taas na 11′ 11.5″ o kalahating pulgada na mababa sa nakamamanghang 12 feet.

Ibig sabihin nito, kaya ni Sotto na butataan ang bola sa taas na 12 feet kung kinakailangan sakaling makabwelo.

Bukod sa ipinagmamalaking height, ang mahabang biyas ni Sotto ay  napakaimportante sa pagdepensa ng kanyang pwesto. Ang NBA basket ay may taas na 10 feet.

Nakatakdang lumaro si Sotto sa bagong NBA G League squad sa susunod na season kasama si Filipino-American Jalen Green at iba pang prospects na naka-focus sa player development.

Ayon sa ulat, ang pagpirma ni Sotto sa G League ay patunay na handa na ito  sa NBA at nasa tamang landas para maging kauna-unahang full-blooded Filipino sa  NBA.